پک اپ وین سے کچل کر نوجوان کی موت، ایک زخمی

بہار کے سارن ضلع میں تریا تھانہ علاقہ کے رام باغ کے نزدیک تریا امنور شاہراہ پر آج پک اپ وین سے کچل کر ایک نوجوان کی موت ہوگئی اور ایک دیگر شدید طور سے زخمی ہو گیا۔

پولیس ذرائع نے یہاں بتایاکہ تریا تھانہ علاقہ باشندہ پپو سنگھ کشواہا (28) اور سریگ سنگھ کشواہا کھیت دیکھنے جارہے تھے۔ اسی دوران ایک بے قابو پک اپ وین نے دونوں کو کچل دیا۔

اس واقعہ میں پپو سنگھ کشواہا کی جائے وقوع پر ہی موت ہوگئی، جبکہ سریگ شدید طور سے زخمی ہو گیا۔

وہیں اس واقعہ میں زخمی سریگ کو چھپرہ صدر اسپتال میں داخل کرایا گیا، جہاں ڈاکٹروں نے نازک حالت کودیکھتے ہوئے اسے پٹنہ میڈیکل کالج اور اسپتال ( پی ایم سی ایچ ) بھیج دیا ہے۔ ڈرائیور پک اپ لیکر فرار ہوگیا۔

پولیس اس معاملے میں ایف آئی آر درج کر کے کاروائی کر رہی ہے۔