بہار کے سمستی پور ضلع میں جرائم پیشہ افراد نے پولیس کو ایک بار پھر چیلنج دیتے ہوئے ایک تاجر کو گولی مار کر شدید زخمی کردیا ہے۔
سمستی پور ضلع کے ہسن پور تھانہ حلقہ کے سنکرپور گاؤں کے قریب ایک کرانہ تاجر اشوک ججودیا کے فرزند وکرم کمار کو بقایا کی وصولی کر کے واپسی کے دوران تین بائیک سوار جرائم پیشہ افراد نے لوٹنے کی نیت سے انہیں روکا اسی درمیان دونوں کے درمیان جھڑپ ہوئی۔
اسی دوران اجنبی جرائم پیشہ افراد نے تین راؤنڈ گولی چلائی جس میں دو گولیاں تاجر کے پاؤں میں لگی اور اجنبی جرائم پیشہ افراد نے تاجر کے بیگ میں رکھے روپیے اور موبائل لوٹ لیے اور فرار ہو گئے۔
اس واردات کی خبر ملنے کے بعد حسن پور پولیس نے زخمی تاجر کو بہتر علاج کے لئے فورا دربھنگہ میڈیکل کالج اسپتال منتقل کیا جہاں متاثرہ شخص کا علاج جاری ہے۔