مولانا انیس الرحمن نے کہا کہ 'آر ایس ایس ذہنیت کی حامل موجودہ حکومت بھارت کے سیکولرزم اور جمہوری ڈھانچے کو ختم کرنے کی منصوبہ بندی کر چکی ہے۔'
مولانا قاسمی نے کہا کہ 'جن لوگوں کے آباء و اجداد اور اکابرین نے اپنی جان کی بازی لگا کر اس ملک کو انگریزوں کے چنگل سے آزاد کرایا۔ انہیں کو آج آر ایس ایس کی پوجا کرنے والے ملک کے غدار بتاتے ہیں۔'
انہوں نے کہا کہ 'اصل غدار تو یہی لوگ ہیں جن کے آباء و اجداد نے مہاتما گاندھی جی کا قتل کیا۔'
انہوں نے کہا کہ 'بی جے پی حکومت نے گزشتہ چھ برسوں میں بھارتی آئین میں ترمیم کرکے دستوربنایا ہے لیکن ان میں سب سے خطرناک موجودہ متنازع شہریت ترمیمی قانون ہے۔'
انہوں نے کہا کہ 'ان سی اے اے اور این پی آر سے سب سے زیادہ نقصان بھارت کے غریب اور پسماندہ طبقے کا ہوگا۔'
انہوں نے کہا کہ 'غیرمسلم، دلت اور دوسرے طبقات کی تو مشکلیں کچھ برسوں تک رہنے کے بعد انہیں بھارت کی شہریت دوبارہ مل جائے گی لیکن مسلم پسماندہ طبقہ کے زیادہ تر لوگ بے وطن متعین کیے جائیں گے۔'
