اس کا باضابطہ گیا میوزیم کے آڈیٹوریم میں پروگرام ہوا۔
منصوبے کے افتتاح کے بعد پروگرام سے خطاب کے دوران ضلع کے انچارج و وزیر تعلیم اور وزیر قانون حکومت بہار کرشن ندن پرساد ورما نے گذشتہ برسوں میں ضلع گیا میں پیدا ہونے والے آبی بحران سے کے متعلق آگاہ کرتے ہوئے کہا کہ اس وقت پوری دنیا میں موسمیاتی تبدیلی ہورہی ہے اور اس کے حل کے لئے بہار حکومت نے جل جیون ہریالی مہم چلائی ہے۔
انہوں نے کہا کہ اس کے تحت روایتی آبی وسائل یعنی کنویں، پوکھر، پائن، آہر کے ساتھ ساتھ پانی کے نئے وسائل تعمیر کیے جارہے ہیں اور بڑے پیمانے پر شجرکاری کی منصوبہ بندی کی جارہی ہے۔
انہوں نے کہا کہ وزیر اعلی نتیش کمار ہمیشہ دور کی سوچتے ہیں اور آئندہ نسلوں کو اس بحران کا سامنا نہیں کرنا پڑے اسکے لئے منصوبے پر کام کیاجارہاہے ۔
اس پروگرام سے خطاب کرتے ہوئے ڈسٹرکٹ مجسٹریٹ ابھشیک کمارسنگھ نے کہا کہ ہم پچھلے دو برسوں میں پانی کے بحران سے واقف ہیں اور ساتھ ہی اس برس ہٹ لہر کی وجہ سے 48 افراد کی موت واقع ہوئی ہے ۔
موسمیاتی تبدیلی سے نمٹنے کے لئے حکومت بہار کی طرف سے جل جیون ہریالی مہم کو لانچ کیا جارہا ہے۔
انہوں نے کہا کہ جل شکتی مہم کے تحت اچھے کام بھی ہوئے ہیں اور جل جیون ہریالی مہم میں اچھا کام کرنے والے لوگوں کی پہچان کی گئی ہے جنہیں انعام واکرام سے نوازا جائے گا ۔
انہوں نے کہا کہ آب و ہوا کی تبدیلی کی وجہ سے پیدا ہونے والی پریشانی کے لئے ہمارے روایتی آبی ذخائر کو زندہ کرکے پانی کے نئے ذرائع پیدا کرنے ہیں ۔
ا نہوں نے کہا کہ گیا میں اس سال 16 لاکھ شجرکاری کی گئی ہے ۔اگلے سال 50 لاکھ پودے لگائے جانے ہیں. لیکن یہ مہم صرف سرکاری مشینری کے ذریعہ کامیاب نہیں ہوسکتی ہے ، اس کے لئے تمام لوگوں کو مل کر کام کرنا ہوگا تب ہی ہم اس مہم کو کامیاب بناپائیں گے
اس سے پہلے ڈسٹرکٹ مجسٹریٹ نے وزیر انچارج آف ڈسٹرکٹ سہ تعلیم اور وزیر قانون ، کمشنر مگدھ ڈویژن اسنگبا چوبہ آو کو پھولوں کا گلدستہ پیش کرکے خیرمقدم کیا.
