ریاست بہار کے وزیراعلیٰ نتیش کمار نے آج ویڈیو کانفرنسنگ کے ذریعے پہلی بار قرنطینہ مراکز میں قیام پذیر لوگوں سے براہ راست گفتگو کی، اور قرنطینہ مراکز کا جائزہ لیا۔ ساتھ ہی اعلی عہدیداروں کو تمام طرح کے سہولیات فراہم کرنے کی ہدایت دی۔
وزیر اعلیٰ نے پہلی بار تقریبا 10 بلاک میں واقع 20 قرنطینہ مراکز میں مقیم افراد سے براہ راست گفتگو کی، اس دوران انہوں نے وہاں کے بیت الخلا کی صاف صفائی اور کیچن کو بھی جائزہ لیا۔
وزیراعلیٰ نے گفتگو کے دوران قرنطینہ مراکز میں مقیم لوگوں سے اپیل کی کہ آپ تمام لوگوں کو قرنطینہ میں رہنا تحفظ کے لئے ضروری ہے.
وہیں انہوں نے اعلی عہدیداروں کو ہدایت دیتے ہوئے کہا کہ 'باہر سے آنے والے سبھی لوگوں کو بہار میں ہی کام دیا جائے. اور خواہشمند لوگوں کا جاب کارڈ بھی بنایا جائے. ہنر کے مطابق روزگار مہیا کیا جائے اور جیویکا اسکیم کے تحت عورتوں کو بھی کام دیا جائے.
