بہار: موسم کے موافق زراعت پروگرام کا آغاز

ریاست کے چیف سکریٹری کو ہدایت دیتے ہوئے نتیش کمار نے کہا کہ 'آپ پوری ریاست کا دورہ کرکے حالات کا جائزہ لیں۔ ہم نے دیکھا ہے کہ لوگ فصلوں کے باقیات کو جلا رہے ہیں۔ لوگوں کو بتانا ہوگا کہ فصلوں کے باقیات کو جلانے سے ماحولیات پر مسائل پیدا ہوں گے اور اس کا اثر آئندہ نسلوں پر بھی پڑے گا۔'

ریاست بہار کے وزیراعلیٰ نتیش کمار نے محکمہ زراعت سمیت چیف سکریٹری اور تمام ضلع افسران کے ساتھ اعلیٰ سطحی میٹینگ کے دوران کئی ہدایت دیں۔

وزیراعلیٰ نتیش کمار نے کہا کہ 'موسم کے موافق زراعت کا پروگرام ہر فرد تک پہنچنا چاہیے۔'

انہوں نے ریاست کے چیف سکریٹری کو ہدایت دیتے ہوئے کہا کہ 'آپ پوری ریاست کا دورہ کر حالات کا جائزہ لیں۔ ہم نے دیکھا ہے کہ لوگ فصلوں کے باقیات کو جلا رہے ہیں۔ لوگوں کو بتانا ہوگا کہ فصلوں کے باقیات کو جلانے سے ماحولیات پر مسائل پیدا ہوں گے اور اس کا اثر آئندہ نسلوں پر بھی پڑے گا۔'

انہوں نے کہا کہ 'فصلوں کے باقیات کو جلانے کی ضرورت نہیں ہے بلکہ ان باقیات کا کسان استعمال کریں، اس سے انہیں فائدہ ہوگا اور آمدنی میں بھی اضافہ ہو گا۔'

انہوں نے کہا کہ 'فصل باقیات منیجمنٹ کے لئے ایگریکلچر آلات کی خریداری پر ریاستی حکومت کسانوں کو 75 فیصد، جبکہ ایس سی ایس ٹی اور انتہائی پسماندہ طبقے کے کسانوں کو 80 فیصد سبسیڈی دے رہی ہے۔'

وزیراعلٰی نتیش کمار نے کہا کہ 'آب و ہوا کے موافق زراعت پروگرام کے نفاذ کے لیے تمام اضلاع کے 5-5 گاؤں کا انتخاب کیا گیا ہے۔ جس سے کسان بیدار ہوں گے اور اس سے مستفید ہوں گے۔'