نتیش کمار نے ملک کے باشندوں کو عیدالاضحیٰ کی مبارک باد پیش کی

وزیر اعلیٰ نتیش کمار نے عیدالاضحیٰ کے موقع پر ریاست اور ملک کے باشندوں کو مبارک باد اور نیک خواہشات پیش کی.

ریاست بہار کے وزیراعلیٰ نتیش کمار نے آج ریاست اور ملک کے باشندوں کو عید الاضحی کی مبارک باد پیش کی، اس دوران انہوں نے عیدالاضحیٰ کو مسلمانوں کا عظیم تہوار بتاتے ہوئے کہا کہ خدا کے حکم پر بڑی سے بڑی قربانیوں کے لئے خود کو تیار رکھنا ہی اس تہوار کا مقصد ہے۔

وزیراعلیٰ نے ملک کے مسلمانوں سے اس تہوار کو آپسی محبت اور اتحاد کے ساتھ منانے کی اپیل کرتے ہوئے کہا کہ 'موجودہ وقت میں کورونا وائرس سے ہر شخص کو ہوشیار رہنے کی ضرورت ہے. سماجی فاصلہ ہی اس سے محفوظ رہنے کا سب سے بہتر طریقہ ہے ۔

وزیراعلیٰ نے لوگوں سے اپیل کرتے ہوئے کہا کہ مسلم برادری گھروں کے اندر ہی قربانی اور عبادت کرے آپ کا تعاون سے ہی اس وباء سے لڑنے میں کامیابی حاصل ہوگی۔