ارریہ ضلع کے چھ اسمبلی حلقوں میں ہوئے انتخاب کے نتائج سامنے آ گئے ہیں، اس بار ارریہ میں این ڈی اے اتحاد کو بڑی کامیابی ملی ہے جس نے چار نشست پر قبضہ جمایا ہے جبکہ ایک نشست پر کانگریس اور ایک پر آل انڈیا مجلس اتحاد المسلمین نے جیت درج کی ہے۔ مجلس نے ارریہ ضلع میں دو جگہ سے اپنا امیدوار کھڑا کیا تھا جس میں سے ایک کو کامیابی ملی ہے۔
ارریہ اسمبلی حلقہ سے کانگریس امیدوار عبد الرحمن نے جیت درج کی ہے جبکہ دوسرے نمبر پر جدیو امیدوار شگفتہ عظیم رہیں۔
جوکی ہاٹ سے ایم آئی ایم امیدوار شاہنواز عالم نے اپنے بڑے بھائی و راجد امیدوار سرفراز عالم کو شکست دی۔ فاربس گنج سے بی جے پی امیدوار منچن کیسری نے جیت درج کی، جبکہ دوسرے نمبر پر کانگریس کے ذاکر انور رہے۔
رانی گنج اسمبلی حلقہ سے جدیو امیدوار اچمت رشی دیو نے راجد امیدوار اویناش منگلم کو شکست دی۔ اسی طرح نرپت گنج اسمبلی حلقہ سے بی جے پی امیدوار جے پرکاش یادو نے راجد امیدوار انیل یادو کو شکست دی۔
سکٹی اسمبلی حلقہ سے بی جے پی امیدوار وجے کمار منڈل نے راجد امیدوار ڈاکٹر شتروگھن منڈل کو شکست دی۔
اس طرح سے ارریہ ضلع میں این ڈی اے اتحاد نے چار جس میں تین بی جے پی اور ایک جدیو نے فتح حاصل کی جبکہ کانگریس اور ایم آئی ایم نے ایک ایک نشست پر جیت درج کی۔ وہیں ارریہ ضلع سے راجد کا کھاتا نہیں کھل سکا۔
