بہار قانون ساز کونسل کی چوبیس نشستوں پر انتخابات ہونے ہیں اور اس میں ایک نشست گیا کی ہے، جہاں سے ابھی تک تین پارٹیوں کے امیدواروں نے اپنی پرچہ نامزدگی داخل کی ہے، اس میں این ڈی اے کی اتحادی جماعت جے ڈی یو کی موجودہ رکن قانون ساز کونسل کی رکن منورما دیوی، آرجے ڈی کی طرف سے رنکو یادو اور لوجپا پارٹی کی طرف سے ستیندر شرما نے پرچہ نامزدگی داخل کیا ہے۔ Muslim Leaders in MLC Election Campaign
وہیں حکمراں جماعت جے ڈی یو کے پوسٹرز، بینرز اور اشتہارات سے این ڈی اے اتحادی کی سبھی پارٹیوں کے بڑے وچھوٹے رہنماؤں کی تصاویر ہے لیکن ان اشتہارات اور پوسٹر بینرز سے جے ڈی یو کے مسلم رہنماؤں کی تصاویر غائب ہے، جبکہ جے ڈی یو میں کئی مسلم رہنما ہیں۔ Muslim Leaders in MLC Election Campaign
جے ڈی یو کے مسلم رہنماؤں میں اقلیتی بہبود کے وزیر زماں خان، رکن قانون ساز کونسل مولانا غلام رسول بلیاوی، گیا کی خاتون رہنما ورکن قانون ساز کونسل روزینہ نازش سمیت کئی سابق ضلع صدر اور پارٹی میں صوبائی وریاستی سطح کے مسلم رہنما ہیں۔ اس کے باوجود ان رہنماؤں کی تصاویر جے ڈی یو کی امیدوار منورمادیوی کے انتخابی پوسٹر بینرز اور اشتہارات سے غائب ہیں۔ البتہ ان پوسٹرز اور بینرز میں بی جے پی کے رہنما و ریاستی وزیر شاہنواز حسین کی تصویر ضرور ہے۔ Muslim Leaders in MLC Election Campaign
وہیں اس معاملے پر اب سیاست تیز ہونے لگی ہے، آرجے ڈی کے سینیئر رہنما و سابق ضلع پریشد عزیر احمد خان نے کہا ہے کہ جے ڈی یو کے لیے واضح ہے کہ وہ بی جے پی آئیڈیا لوجی کے ساتھ ہے اور اس پارٹی کے رہنماؤں کی کوشش ہوتی ہے کہ وہ مسلم رہنماؤں کو حاشیے پر ڈالیں۔ جے ڈی یو امیدوار منورما دیوی کو مسلم ووٹرز کا ووٹ چاہیے تاہم مسلم رہنماؤں کو عزت اور برابری کا حق نہیں دیں گی۔ Muslim Leaders in MLC Election Campaign
انہوں نے کہا کہ بی جے پی اتحادی پارٹی کو ڈر ہے کہ وہ مسلم رہنماؤں کو ترجیح دیں گے تو ان پر کہیں مسلم پارٹی ہونے کا ٹیگ نہ لگ جائے حالانکہ انہوں نے راشٹریہ جنتا دل کے امیدوار کے پوسٹرز اور بینرز پر بھی مسلم رہنماؤں کی تصویر نہیں ہونے کے سوال پر کہا ہے کہ ان کے امیدوار کے پوسٹرز، بینرز اور اشتہارات میں صرف پارٹی کے سپریمو تیجسوی یادو کی تصویر ہے اگر اور کسی رہنما کی ہوتی اور اس میں مسلم رہنماؤں کی تصاویر غائب ہوتی تو سوال کھڑے ہوتے۔
اس سلسلے میں فیاض خان کا ماننا ہے کہ اس طرح سے وزیر اعلیٰ نتیش کمار کی شبیہ خراب ہوگی کیونکہ وہ ایک اچھے لیڈر ہیں اور سبھی کو ساتھ لیکر چلنے والے رہنما کی شبیہ ہے۔
انہوں نے کہا کہ اس طرح کی روایت مسلم رہنماؤں کو حاشیے پر ڈالنے کی کوشش ہے، جو بھارت کی سیاست کے لیے درست نہیں ہے جبکہ دھیرو شرما کہتے ہیں کہ آج کے حالات میں سبھی پارٹیوں کی طرف سے مسلمانوں کے ساتھ ناانصافی کی جارہی ہے یہ کوئی پہلا واقعہ نہیں ہے اور اس طرح کے معاملات کو روکنے کے لیے ووٹرز کو آگے آنا چاہیے۔ Muslim Leaders in MLC Election Campaign
یہ بھی پڑھیں: Reaction on Girls Marriages Age: لڑکیوں کی شادی کی عمر میں اضافہ پر مسلم رہنماؤں کا ملا جلا ردعمل
واضح رہے کہ بہار میں 24 نشستوں پر انتخابات ہونے والے ہیں، چار اپریل کو ووٹنگ ہونی ہے جبکہ سات اپریل کو ووٹوں کی گنتی ہوگی۔ Muslim Leaders in MLC Election Campaign
