مشرقی چمپارن کے ڈھاکہ بلاک حلقہ کے بلوا گوواباری پنچایت کے مکھیا نے کووڈ گائیڈ لائن کی خلاف ورزی کرتے ہوئے افطار پارٹی کا اہتمام کیا۔ جس کی تصویر سوشل میڈیا پر وائرل ہوگئی ہے۔ سکرہنا ایس ڈی او نے مقامی تھانہ صدر کو وائرل تصویروں کی جانچ کر کاروائی کرنے حکم دیا ہے۔ فی الحال معاملے کی جانچ کی جارہی ہے۔
بتایا جارہا ہے کہ کنڈواچین پور تھانہ حلقہ کے گوواباری پنچایت کے مکھیا عتیق الرحمن نے افطار پارٹی کا اہتمام کیا تھا۔ جس میں علاقے کے سماجی کارکن بھی شامل ہوئے۔
اس پارٹی میں 500 لوگوں کے شامل ہونے کی بات کہی جارہی ہے۔
تصویر وائرل ہونے کے بعد سب ڈویزن انتظامیہ کے متحرک ہوگئے۔ سکرہنا ایس ڈی او گیان پرکاش نے وائرل تصویروں کی کنڈواچین پور تھانہ صدر کو جانچ کرنے کا حکم دیا ہے۔ صحیح ثابت ہونے پر کووڈ گائیڈ لائن کی خلاف ورزی کے تحت معاملہ درج کیا جائے گا۔
نوٹ: وائرل تصویروں کی تصدیق ای ٹی وی بھارت نہیں کرتا ہے۔
