مسز انڈیا تارا شویتا نے کہا کہ 'جمہوری ملک بھارت میں پہلی بار مذہب کی بنیاد پر کوئی قانون بنایا گیا ہے۔ یہ قانون کی روح کے بالکل خلاف ہے کیوںکہ بھارتی آئین میں مذہب کی بنیاد پر کوئی تفریق نہیں ہے۔ تاہم ملک کے سیاسی نظام کو چلانے والے حکم ہی ملک میں نفرت کا ماحول پیدا کرتے ہیں۔'
تارا شویتا آریہ سے یہ پوچھے جانے پر کہ 'حکومت کا ایسا قانون لانے کا کیا مقصد ہے جس سے مسلمانوں کو علیحدہ رکھا گیا ہے؟'
اس پر انہوں نے کہا کہ 'حکومت ایسے اقدام کر کے آگ میں گھی ڈالنے کا کام کر رہی ہے جبکہ ملک میں مذہب کی بنیاد پر کوئی تفریق نہیں ہے۔ بھارت کو گنگا جمنی تہذیب و ثقافت کی خوبصورت مثال کے طور پر دنیا بھر میں جانا جاتا ہے۔'
انہوں نے حکومت سے یہ بھی سوال کیا کہ 'کس بنیاد پر صرف پاکستان، بنگلہ دیش اور افغانستان کے ہندؤں کی بات کی گئی۔ ان ممالک کے علاوہ سری لنکا، نیپال، میانمار اور تمل ہندو کے بارے میں کیوں نہیں سوچا گیا؟'
انہوں نے واضح الفاظ میں کہا کہ یا تو حکومت کو جغرافیہ کی سمجھ نہیں ہے یا پھر مسلم ممالک کو سامنے رکھ کر ملک میں ہندو مسلم اختلافات پیدا کرنا چاہتی ہے۔
