مشرقی چمپارن ضلع کے دو الگ الگ تھانہ حلقے میں کرنٹ کی زد میں آنے سے دو لوگوں کی موت ہوگئی جبکہ دو زخمی ہوگئے۔ ترکولیا اور چڑیا تھانہ علاقے میں یہ حادثہ پیش آیا۔ پولیس نے لاش کو قبضے میں لے کر پوسٹ مارٹم کے لئے موتیہاری صدر ہسپتال بھیج دیا ہے۔
جانکاری کے مطابق چڑٰیا تھانہ علاقے کے چڑیا گاؤں میں ایک ٹھیکیدار بجلی محکمہ کو بغیر کسی جانکاری کے تین نجی مستری سے زراعت سے جوڑے کام کے لئے تار لگوا رہا تھا، اسی دوران وہ کرنٹ کی زد میں آگیا جہاں ایک مستری کی موت ہوگئی۔ جس کی پہنچان پچکپڑی اوپی کے مڑلی گاؤں کے رہنے والے محمد شہزاد کے طور پر ہوئی ہے۔ حادثے میں دو زخمی ہوئے ہیں۔
دوسرا حادثہ ترکولیا تھانہ علاقے کے رام پور چرگاہا گاؤں میں ہوا، جہاں معراج سائی نام کے ایک شخص بجلی کی تار جوڑنے کی کوشش کررہا تھا کہ اچانک کرنٹ لگنے سے موقع پر ہی اس کی موت ہوگئی۔
