ریاست بہار کے ضلع دربھنگہ میں اگنی پتھ کی مخالفت،باہمی اتحاد،ظلم و تشدد کے خلاف آواز بلند کرنے اور نوجوان رہنما طارق انور کو جیل سے رہا کرنے سمیت مختلف مسائل کو احتجاجی مظاہرہ کیا گیا۔اس مظاہرہ میں کئی رہنماؤں کے علاوہ سینکڑوں افراد نے شرکت کی۔ CPIM Leaders Opposed the Agnipath scheme
مظاہرین سے خطاب کرتے ہوئے سی پی آئی ایم کے رکن اسمبلی محبوب عالم نے کہا کہ ہمارے ملک کے وزیر اعظم کو ملک کے کروڑوں لوگوں کی روزی روٹی کی کوئی فکر نہیں ہے،ملک کی اکثریتی آبادی بھوک کا شکار ہے،نوجوان بے روزگار ہے، اور پورا ملک مہنگائی کا شکار ہے،لیکن حکومت نفرت اور تقسیم کی سیاست کر رہی ہے اور ملک کو مندر مسجد کے جھگڑوں میں الجھائے رکھنا چاہتی ہے۔
انہوں نے مزید کہا کہ مودی حکومت کے اس اقدام سے ملک کی سلامتی اور فوج کمزور ہو گی،اگنی پتھ اسکیم فوج کی تیاری کرنے والے لاکھوں نوجوانوں کے خوابوں پر مودی حکومت بلڈوزر چلا رہی ہے۔انہوں نے زور دے کر کہا کہ جو حکومت مسلمانوں پر بلڈوزر چلا رہی تھی، وہی حکومت اب نوجوانوں کے روزگار پر بلڈوزر چلا رہی ہے ۔ اس موقع پر انہوں نے حیا گھاٹ اور ولاس پور کے شہریوں کے وفد کو یقین دلایا کہ وہ اسمبلی میں اس علاقے کی بدحالی، پانی بھرنے، سیلاب اور سڑک پل کے مطالبات اٹھائیں گے، گنگا جمنی ثقافت کے مشترکہ ورثے کو بلند کرنا ہے۔
اس موقع پر کھیگرامس کے قومی جنرل سکریٹری دھیریندر جھا، کلیدی اسپیکر سی پی آئی (ایم ایل)، ضلع سکریٹری بیدیا ناتھ یادو، سینئر لیڈر آر کے ساہنی، ریاستی کمیٹی کے رکن ابھیشیک کمار،اے آئی ایس اے کے ضلع سکریٹری میانک کمار یادو، ضلع صدر پرنس راج،سنتوش کمار یادو، اس اجتماع سے محمد لالو،ڈاکٹر سویب، پپو پاسوان،محمد جمال الدین، علی محمد، پھول دیوی، منجو دیوی، رام ولاش ، شمبھو یادو سمیت کئی لوگوں نے بھی خطاب کیا۔
