ریاست بہار کے دربھنگہ میں ضلع پریشد صدر بلاک 4/3 میں اساتذہ اپنی ڈیوٹی چھوڑ کر اپنی بیوی کی انتخابی مہم میں مصروف ہیں۔
اس معاملے پر انصاف منچ کے ریاستی نائب صدر نیاز احمد نے آج ایک بیان جاری کرتے ہوئے کہا ہے کہ دربھنگہ صدر ضلع پریشد 4/3 علاقے کے امیدوار کے شوہر ایک سرکاری ٹیچر ہیں، جو اپنی ڈیوٹی کے علاوہ سروس مینوئل کی خلاف ورزی کرتے ہوئے اپنی بیوی کے حق میں انتخابی مہم چلارہے ہیں۔
انہوں نے کہا کہ فرحین خاتون کے حق میں جو ماحول بنایا جارہا ہے اس سے خوفزدہ ہوکر مختلف علاقوں میں فرقہ وارانہ ماحول کو خراب کرنے کی کوشش کررہے ہیں اور لوگوں کو ڈرانے دھمکانے کا کام کررہے ہیں۔
یہ بھی پڑھیں: گیا: پنچایت الیکشن میں مسلم امیدواروں کی نمائندگی بڑھی
سی پی آئی (ایم ایل) صدر سکریٹری اشوک پاسوان نے ڈسٹرکٹ الیکشن آفیسر سے مطالبہ کیا ہے کہ ضلع پریشد 4/3 میں امیدوار کے شوہر کی مہم کو روکا جائے۔
