ریاست بہار کے ضلع کیمور کے بھبھوا ہیڈ کوارٹر میں دیر شام کچھ شرپسندوں نے ایک دکاندار کو گولی مار کر ہلاک کر دیا۔ اس واردات کے بعد پورے شہر میں دہشت کا ماحول ہے۔ شہر کے دکانداروں نے اپنی دکانوں کو بند کر دیا ہے۔
دراصل قتل کی یہ واردات بھبھوا تھانہ سے محض دو سو میٹر کی دوری پر اس وقت ہوئی جب 23 سالہ موبائل دکاندار نتیش کمار سبزی مارکیٹ سے سبزی خرید کر گھر لوٹ رہا تھا۔ تبھی ایک سفید اپاچی موٹر ساٸکل پر سوار دو شرپسند اسے گولی مار کر فرار ہو گئے۔
وہیں موقع پر ہی دکاندار نے دم توڑ دیا۔ حالانکہ واردات کے بعد دکاندار کو بھبھوا صدر ہسپتال میں داخل کرایا گیا، جہاں ڈاکٹرز نے اسے مردہ قرار دے دیا۔
اس واقع کے بعد شہر میں خوف کا ماحول پیدا ہو گیا ہے۔
یہ بھی پڑھیں: عمر خالد، محمود پراچہ، شرجیل امام اور طاہر حسین کی عرضی پر سماعت
فی الحال پولیس معاملے کی تفتیش کر رہی ہے۔
