'مسلمانوں کے لئے حکومت نے کتنا خرچ کیا، جواب دینا ہوگا'

اس بار اسمبلی میں برسرِ اقتدار جماعت سے کوئی بھی مسلم رکن اسمبلی نہیں ہے، جس کے نتیجے میں اسمبلی کی اقلیتی کمیٹی حزبِ مخالف جماعت کے پاس ہے، حکومت کے لئے یہ بڑا چیلنج ہے۔

ریاست بہار میں اقلیتوں کے لئے چلائے جا رہے منصوبوں کی خبر گیری کا دعویٰ اسمبلی کی اقلیتی کمیٹی کے صدر آفاق عالم نے کیا ہے۔

حکومت نے بہار کے اقلیتوں خصوصی طور پر مسلمانوں کے لئے کتنا کام کیا، بجٹ کا کتنا استعمال ہوا اس کی خبر گیری کے لیے اسمبلی کی اقلیتی کمیٹی کمربستہ ہے۔

اس بار اسمبلی میں برسرِ اقتدار جماعت سے کوئی بھی مسلم رکن اسمبلی نہیں ہے، جس کے نتیجے میں اسمبلی کی اقلیتی کمیٹی حزبِ مخالف جماعت کے پاس ہے، حکومت کے لئے یہ بڑا چیلنج ہے۔

اس کمیٹی کے صدر آفاق عالم نے ای ٹی وی سے خصوصی بات چیت میں کہا کہ ہم لوگ مسلمانوں کے لئے چلنے والے فلاحی منصوبوں کا جائزہ لیں گے، جبکہ بی ایس پی کے واحد ایم ایل اے زماں خاں نے کہا کہ نتیش کمار کی حکومت میں مسلمانوں کا کام نا کے برابر ہوا۔