ریاستی حکومت نے ریاست کے تمام ضلع ہیڈکوارٹر میں اقلیتوں خصوصی طور پر مسلمانوں کے لیے کثیرالمقاصد عمارت اور رہائشی اسکول کی تعمیر کا ٹاسک محکمہ اقلیتی فلاح اور شیعہ وسنی وقف بورڈ کو دیا ہے۔
محکمہ اقلیتی فلاح کے وزیر خورشید عرف فیروز احمد اس کے لیے سرگرم نظر آ رہے ہیں۔ انہوں نے شیعہ اور سنی وقف بورڈ کو ہدایت جاری کی ہے کہ وہ اپنی زمین منتخب کر کے جلد سے جلد حکومت کے حوالے کریں تاکہ تعمیراتی کام شروع کیا جا سکے۔
کثیرالمقاصد عمارت میں عبادت خانہ، کمیونٹی ہال، لائبریری اسٹڈی سنٹر کے علاوہ عوام کی بنیادی سہولتوں کے لیے تمام چیزیں مہیا کرائی جائیں گی جبکہ اقلیتی رہائشی اسکول میں درجہ 12 تک کی تعلیم مفت ہوگی اور ان کی رہائش کا بھی مفت انتظام ہوگا جس میں طالبات کے لیے علیحدہ ہوسٹل اور اسکول کا نظم کیا جارہا ہے۔
وزیراعلی نے طالبات کے تحفظ اور ان کے لیے کمیونٹی ہال اور کھیل کے میدان کا نظم کرنے کی بھی ہدایت دی ہے۔
وزیر خورشید عرف فیروز احمد نے بتایا کہ انہوں نے شیعہ اور سنی وقف بورڈ کے چیئرمین کو ہدایت دی ہے کہ وہ جلد سے جلد اپنی زمینوں کا انتخاب کر محکمہ کو مہیا کرادیں۔
محمد ارشاداللہ نے ای ٹی وی بھارت سے خصوصی ملاقات میں اطلاع دی کہ تقریبا بارہ اضلاع میں کثیرالمقاصد عمارت کی تعمیر کے لیے زمین مہیا کر دی گئی ہے۔ زمین کا ٹنڈر بھی ہو چکا ہے اور امید ہے کہ رواں مالی سال میں کئی پروجیکٹ تیار ہو جائیں گے اور ہر ضلعے میں ایک رہائشی اسکول کھولا جا رہا ہے اس کے لیے دس کروڑ روپے مختص کیے گئے ہیں۔
انہوں نے کہا کہ اگر کسی ضلع میں زمین مہیا نہیں ہو پائے تو حکومت غیر مزروعہ عام زمین پر اسکول تعمیر کرائے گی۔ وزیر اعلی نتیش کمار نے یہ ہدایت دی ہے کہ ایک مہینے کے اندر یہ تمام پروجیکٹ زمین پر نظر آنے چاہیے۔ انہوں نے کہا کہ رہائشی اسکول کے لئے چھ اضلاع کی فہرست حکومت کو مہیا کرادی گئی ہے۔ ان میں کشن گنج، دربھنگہ، بیگوسرائے، کٹیہار، گوپال گنج شامل ہیں۔ امید ہے کہ اس مہینے میں تمام اضلاع کی فہرست بھیج دی جائے گی۔
3 بائٹ بہار ریاستی شیعہ وقف بورڈ کے چیرمین ارشاد علی آزاد( سفید شرٹ میں)
ارشاد علی آزاد نے کہا کہ وزیراعلی کی یہ منشا ہے کہ ہر ضلع ہیڈکوارٹر میں کثیرالمقاصد عمارت کی تعمیر ہو۔ پٹنہ میں دو کثیرالمقاصد عمارت تعمیر ہونے جارہے ہیں۔ ایک انجمن اسلامیہ ہال اور دوسرا عالم گنج میں امام باندی وقف اسٹیٹ۔ انہوں نے کہا کہ کثیرالمقاصد عمارت کی تعمیر کے لئے ہم لوگوں نے سات اضلاع کی فہرست حکومت کو مہیا کرا دی ہے جس میں پٹنہ، مظفر پور، موتیہاری، بھاگلپور اور سہسرام شامل ہیں۔