اسی ضمن میں آج ریاستی حکومت کے وزیر تعمیر سڑک نتن نوین جنتا دربار میں شریک ہوئے اور لوگوں کی فریاد سنی، جنتا دربار میں مختلف اضلاع سے تقریباً درجن بھر معاملہ آئے جنہیں وزیر نتین نوین نے سنا۔ حاجی پور کے چک چمیلی گاؤں سے ایک فریادی مسائل کے حل کے لئے پہنچے اور بتایا کہ گذشتہ سات سال سے ان کے علاقے کی سڑک اب تک نہیں بن سکی ہے۔
مقامی رکن اسمبلی صرف انتخاب کے وقت وعدہ کرنے آتے ہیں، اس کے بعد پھر نظر نہیں آتے۔ وزیر نے پورے مسئلہ کو سنجیدگی سے سنا اور سڑک جلد سے جلد بنائے جانے کی یقین دہانی کرائی۔
وزیر تعمیرات سڑک نتن نوین نے جنتا دربار لگا کر سنی فریاد یہ بھی پڑھیں: ریلی شراب پینے سے تین ہلاک، پانچ کی حالت نازک
جنتا دربار کے بعد صحافیوں سے گفتگو کرتے ہوئے نتن نوین نے کہا کہ حکومت نے گذشتہ پندرہ سالوں میں جو کام کئے ہیں وہ سبھی کے سامنے ہیں۔
انہوں نے کہا کہ پہلے ہم لوگوں کا ہدف تھا کہ ریاست کے کسی بھی اضلاع سے چھ گھنٹوں میں راجدھانی پہنچا جا سکتا ہے، اب ہم لوگوں کی کوشش ہے کہ بہار کے کسی کونے سے پانچ گھنٹے میں راجدھانی پہنچا جائے اور اس سمت میں کام چل رہا ہے۔ وزیر نے بتایا کہ ابھی کئی منصوبوں پر محکمہ کام کر رہی ہے جس کے تحت کئی سڑک کو دوسری ریاستوں کی سڑک سے ملایا جائے گا تاکہ سڑک کے راستے بھی ہم دوسری ریاستوں میں جلد سے جلد پہنچ سکیں.
