لیکن بی ایس پی اور آر ایل ایس پی کے مابین بنے اتحاد میں امیدواروں کے ناموں کے بارے میں گفتگو تو دور، ابھی تک سیٹ شیئرنگ کا فارمولہ بھی ادھڑ میں لٹکا ہوا ہے ۔
آر ایل ایس پی کے قومی صدر اوپیندر کشواہا کے ساتھ اتحاد کرنے سے پہلے مایاوتی نے دعوی کیا تھا کہ بہوجن سماجوادی پارٹی بہار اسمبلی انتخابات میں کسی بھی اتحاد میں شامل نہیں ہوں گی۔ انہوں نے کہا تھا کہ بی ایس پی بہار کی 243 نشستوں پر خود امیدوار اتاریں گی۔
وہیں عظیم اتحاد سے الگ ہونے کے بعد اوپیندر کشواہا نے بہوجن سماج پارٹی کے ساتھ نئے اتحاد کی تشکیل دی، لیکن اس اتحاد کے درمیان ابھی تک سیٹ شیئرنگ کا فیصلہ نہیں ہوا ہے۔ جس سے پارٹی کے کارکنان میں پس و پیش کی صورتحال برقرار ہے۔
اس تعلق سے بی ایس پی رہنماؤں نے بتایا کہ سیٹ شیئرنگ کے حوالے سے اوپیندر کشواہا اور مایاوتی کے مابین بات چیت ہو رہی ہے۔ کسی وقت بھی نشستوں اور امیدواروں کے ناموں کا اعلان کیا جا سکتا ہے ۔
