بہار کے ضلع لکھی سرائے میں منگل کے روز ہوئے سڑک حادثے (road accidend) میں 6 لوگوں کی موت ہوگئی جب کہ چار لوگ شدید طور پر زخمی ہیں جنہیں علاج کے لئے ہسپتال میں داخل کرایا گیا ہے۔
اطلاعات کے مطابق ہریانہ میں تعینات ڈی آئی جی کے اہل خانہ پیر کے روز اپنے رشتہ دار کی آخری رسومات ادا کرکے پٹنہ سے گھر واپس لوٹ رہے تھے اسی دوران لکھی سرائے میں ان کی گاڑی ٹاٹا وکٹا سامنے سے آرہی گیس سیلنڈر سے لدی ایک ٹرک سے ٹکرا گئی، جس کے سبب کار میں سوار 6 لوگوں کی موقع پر ہی موت واقع ہوگئی جب کہ چار شدید طور پر زخمی ہوگئے۔
مزید پڑھیں:
- Barmer Accident: بس اور ٹینکر کے درمیان تصادم، 12 افراد ہلاک
واقعہ کی اطلاع پر جائے وقوع پر پہنچی مقامی پولیس نے لاش کو قبضے میں لے کر زخمیوں کو ہسپتال پہنچایا اور معاملے کی جانچ شروع کردی۔
