ریاست بہار کے ارریہ ٹاؤن تھانہ حلقہ کے آشرم محلہ میں واقع وارڈ نمبر 14 میں دیواشیس کمار نامی ایک شخص نے پنکھے سے لٹک کر خودکشی کر لی ۔
دیو اشیش ارریہ انچل دفتر میں معاون ایگزیکٹیو عہدہ پر فائز تھا، جب اس کے گھر والوں نے کمرہ کا دروازہ کھولا تو دیکھا کہ وہ پھندے سے لٹک رہا ہے۔ مہلوک رانی گنج واقع حسن پور کا باشندہ تھا. یہاں آشرم ٹولہ میں کرایہ کے مکان پر اہلیہ کے ساتھ رہتا تھا۔
دیوشیس کمار روزانہ کی طرح اپنے دفتر ارریہ انچل اپنی اہلیہ کے ساتھ گیا تھا، کچھ دیر بعد دفتر سے گھر ڈونگل لانے کی بات کہہ کر نکلا تھا، اسی درمیان کچھ دیر بعد جب اس کی اہلیہ کسی کام سے گھر پہنچی تو دیوشیس کو پنکھے سے لٹکا ہوا پایا۔
اس کے بعد دیو اشیش کی اہلیہ نے اپنے دیور کو فون کیا، اہل خانہ نے فوراً پہنچ کر لاش کو پنکھے سے نیچے اتارا۔
انچل آفیسر اشوک کمار سنگھ نے کہا 'وہ لوگوں کی شکایت سننے دوسرے دفتر گئے ہوئے تھے. وہاں سے ایک معاملہ کے معلومات کے لئے انہوں دیوشیس کے نمبر پر فون کیا، اس کا فون بند تھا، اس کے بعد اس کی اہلیہ کو فون کیا، اہلیہ فون اٹھاتے ہوئے بولی سر جلدی سے گھر آئے۔ وہاں پہنچ کر دیکھا تو اس کی موت واقع ہو گئی تھی'۔
اشوک کمار سنگھ نے کہا 'دیوشیس کی اہلیہ بھی انچل میں معاون ایگزیکٹیو کے عہدہ پر مامور ہے، مگر فی الحال وہ نقشہ نکالنے کے لئے ضلع دفتر میں کام کر رہی تھی'۔.
پولیس کو اطلاع ملتے ہی نگر پولیس موقع پر پہنچی اور لاش کو اپنے قبضے میں لے کر پوسٹ مارٹم کے لئے ارریہ صدر اسپتال بھیج دیا ہے۔
ٹاؤن ڈی ایس پی کے ڈی سنگھ نے بتایا 'خودکشی کی وجوہات کا پتہ اب تک نہیں چل سکا ہے، تاہم پولیس ہر پہلو سے جانچ کر رہی ہے'۔
وہیں اس حادثے سے پڑوس کے لوگ بھی غم زدہ ہیں، مقامی لوگوں کے مطابق دیوشیس بہت ہی ہنس مکھ اور خوش مزاج تھا۔ مگر معاملے کا خلاصہ نہیں ہو پایا ہے. لوگ دبے زبان میں جتنے منھ اتنی بات کر رہے ہیں۔
