مولانا انیس الرحمان قاسمی کی صدارت میں منعقدہ جلسہ دستار بندی میں پروفیسر ڈاکٹر شکیل احمد قاسمی صاحب نےخطاب کرتے ہوئےکہا کہ مدرسہ میں پڑھنے والے بچے اور ان کے والدین مبارک باد کے مستحق ہیں کیونکہ یہ بچے عام طور پر دنیاوی سرمایہ حاصل کرنے کی استعداد بہت کم ہوتی ہے اس کے باوجود بھی اپنی آخرت کو سنوارنے کی فکر میں یہ اپنے بچوں کو مدارس میں پڑھاتے ہیں۔
انہوں نے مدارس میں زیر تعلیم طلبہ کے بارے میں کہا کہ ذریعہ معاش کا مسئلہ صرف مدارس میں پڑھنے والے بچوں کا ہی نھیں، بلکہ یونیورسٹی میں اعلی تعلیم حاصل کرنے والے طلبہ کےساتھ بھی ہے۔
انھوں نے اپنی تقریر میں اس بات ک اعتراف کیا کہ اسکول وکالج میں جوطلبا تعلیم حاصل کرتے ہیں ان میں اخلاقی قدروں کا بحران پایا جاتا ہے، وہ اپنے ماں باپ کی قدر نہیں کرتے، لیکن مدارس سے فارغ طلبہ کو ملازمت بھی مل جاتی ہے بھلے ہی تنخواہ کم ہو البتہ ان کا گزر بسر آسانی سے ہوجاتا ہے۔
مدرسہ کے ناظم مولانا اسجد ناظری صاحب نے بھی جلسہ سے خطاب کیا اور جلسہ میں شریک لوگوں کا شکریہ ادا کیا۔
