ریاست بہار کے ضلع کشن گنج کے کوچادھمن رکن اسمبلی ماسٹر مجاہد عالم نے رمضان المبارک کے تعلق سے کہا کہ دنیا کی تاریخ میں پہلی بار رمضان کے موقع پر لوگ گھروں میں قید ہیں۔ کورونا جیسی خطرناک بیماری سے نجات پانے کے لئے یہ ضروری بھی ہے۔
انہوں نے کہا کہ ایک طرح سے دیکھا جائے تو لاک ڈاؤن ہم سب کے لئے سنہرا موقع لیکر آیا ہے ۔اس لئے کہ جب لاک ڈاؤن میں ہم سب گھروں پر ہی رہیں گے تو ظاہر ہے عبادات کے لئے زیادہ سے زیادہ وقت ملےگا اور ہمیں زیادہ سے زیادہ نمازیں اور قرآن پاک کی تلاوت کرنی چاہئے ۔
انہوں نے مزید کہا کہ دنیا میں جو آفات آئی ہے اس کے لئے کہیں نہ کہیں ہم سب بھی ذمدار ہیں کیوں کہ ہمارے اعمال خراب ہو گئے ہیں۔ اس رمضان میں آیئے ہم سب اپنی گناہوں سے توبہ کرکے اپنی عبادات کے ذریعہ اللہ کو راضی کرنے کا کام کریں۔
غور طلب ہے کہ بہار میں کورونا مریضوں کی تعداد مسلسل بڑھتی جا رہی ہے ۔ آج ملے پانچ نئے مریضوں کے ساتھ یہ تعداد بڑھ کر 228 ہو گئی ہے۔ کشن گنج ضلع ابھی تک کورونا سے پوری طرح محفوظ ہے، ابھی تک ایک بھی کورونا کا معاملہ سامنا نہیں آیا ہے۔ وہیں ضلع انتظامیہ کافی سختی کے ساتھ لاک ڈاون کا عمل کرایا جا رہا ہے۔
