ریاست بہار کے ضلع کشن گنج میں تقریباً 70 سے 75 فیصد مسلم آبادی ہے جو تعلیمی، سیاسی، سماجی اور اقتصادی طور پر پسماندہ ہے۔'
اس سلسلے میں راشٹریہ جنتا دل (آر جے ڈی) کے ضلع چئیرمین سرور عالم نے کہا کہ کشن گنج میں تعلیم کا معیار کافی نیچے چلا گیا ہے۔ سرکاری اسکولز میں جو تعلیم دی جاتی ہے اس میں کوالٹی نہیں ہوتی۔
حالانکہ گزشتہ برس سے تعلیمی پسماندگی کو دور کرنے کے لیے کئی تنظیمیں کام کر رہی ہیں۔ ریاستی حکومت اکثریت کی خاص توجہ کی بات کرتی ہے لیکن پھر بھی حالات بہتر نہیں ہیں۔
جو لوگ پیسے والے ہیں ان کے بچے کی تعلیم تو ہوجاتی ہے لیکن غریب اور میڈل کلاس کے بچے بہتر تعلیم سے محروم ہیں۔ حالانکہ حکومت کی جانب سے ساری سہولیات فراہم کی گئی ہیں ، باوجود اس کے تعلیم کا جو معیار ہونا چاہیے وہ نہیں ہے۔
اکثر دیکھا جاتا ہے کہ امیروں کے بچے پرائیویٹ اسکولز، ٹیوشن اور بوڈنگ میں رہ کر اچھی تعلیم حاصل کر لیتے ہیں لیکن غریب کے بچے محروم رہ جاتے ہیں، جس کی وجہ سے انہیں آگے چل کر اچھے روزگار نہیں ملتے ۔
انہوں نے مزید کہا کہ ضلع کے سبھی اسکولز کی تعلیمی معیار کو بہتر بنانے کے لیے کیرالہ سے تعلق رکھنے والی 'کورڈوبا انسٹی ٹیوٹ' کی جانب سے ضلع کے ہر پنچایت میں ولنٹیر تیار کیے گئے ہیں اور اس دوران اسکول کے بچے راستے میں چل رہے ہیں اور اسکول کے بجائے کہیں اور جا رہے ہیں تو بچے سے پوچھ کر اسے اسکول تک پہنچانے کام کیا جا رہا ہے۔
اس سلسلے میں اسکول کے اساتذہ سے بھی پوچھا جائے گا کہ کتنے بچے غیر حاضری ہیں اور کتنے بچے بیمار ہیں ان سب کی جانکاری لی جائے گی۔
