پولیس ذرائع نے بتایاکہ نیشنل ہائی وے نمبر 31 پر سپہا ڈھالا کے نزدیک کل رات دو موٹر سائیکل کے بیچ ہوئی سیدھی ٹکر میں ایک خاتون کی موت ہوگئی اور اس کا معذور شوہر زخمی ہوگیا ۔
متوفیہ کی شناخت بے بی کماری(22) سال کے طور پرکی گئی ہے۔ جو اپنے شوہر کے ساتھ موٹر سائیکل سے جارہی تھی ۔ متوفیہ کے معذور شوہر کو علاج کے لیے پرائیوٹ ہسپتال میں داخل کرایا گیا ہے ۔ بے بی اسی تھانہ علاقہ کے گوچھاری گاﺅں کی باشندہ تھی ۔
ذرائع نے بتایاکہ ایک دیگر واقعہ میں نیشنل ہائی وے نمبر 31 پر ہی تھانہ کے نزدیک پورنیہ سے برونی کی جانب جارہے ایک ٹرک نے کل رات موٹر سائیکل سوار نوجوان کو ٹکر مار دی جس سے وہ شدید طور سے زخمی ہوگیا ۔
زخمی نوجوان کو علاج کے لیے پرائمری ہیلتھ مرکز میں لے جایا گیاجہاں اس کی موت ہوگئی ۔ متوفی کی شناخت راجا کمار (25) کے طور پر کی گئی ہے جونوگچھیا ضلع کے کدوا گاﺅں کا باشندہ تھا۔
ذرائع نے بتایاکہ راجا اپنی بہن کے گھر کھگڑیا سے نوگچھیا لوٹ رہا تھا ۔ لاشیں پوسٹ مارٹم کے لیے کھگڑیا صدر ہسپتال بھیج دی گئی ہیں۔
