کیمور کے ایس پی دلنواز احمد نے بھبھوا تھانہ میں پریس کانفرنس کر تے ہوے کہا کہ بھگوان پور تھانہ علاقہ کے رام گڑھ گاؤں کےدھرمیندر کمار ولد سریندر دھوبی اور اوسان گاؤں کے شہنواز انصاری ولد شمشیر انصاری کو گرفتار کیاگیا ہے ۔
انہوں نے بتایا کہ بھگوان پور پولیس اسٹیشن کے علاقے میں گذشتہ دنوں سے دو نوجوان ایک دوسرے کےمذہب اور برادری کے خلاف فیس بک پر نفرت پر مبنی پوسٹ کرکے مذہبی ہم آہنگی کو خراب کرنے کی کوشش کر رہے تھے۔ اس اطلاع پر ڈی آئی یو برانچ اور بھگوان پور پولیس اسٹیشن افیسر راکیش کمار روشن کی قیادت میں ایک ٹیم تشکیل دی گئی۔
جس کے بعد پولیس نے تفتیش کی بنیاد پر بھگوان پور تھانہ علاقہ کے رام گڑھ گاؤں کے دھرمیندر کمار ولد سریندر دھوبی کو گرفتار کرلیا۔ اور اس کے پاس سے دو موبائل بھی برآمد کئے۔ جس سے وہ فیس بک پر قابل اعتراض پوسٹ کیا کرتا تھا۔
ایس پی نے بتایا کہ اسی اثنا میں ایک اور پوسٹ شائع ہوئی۔
ایس پی نے مزید کہا کہ اسی درمیان ایک اور پوسٹ شائع ہوی ۔ اور اس پوسٹ میں بھی سوشل میڈیا فیس بک پر ایک دوسرے مذہب کے خلاف بہت سی قابل اعتراض چیزیں پوسٹ کی گئیں ۔ اور اس طرح مذہبی ہم آہنگی کو خراب کرنے کی کوشش کی گئی تھی ، جس کے بعد پولیس کی تفتیش کی بنیاد پر آوسان گاؤں کے شمشیر انصاری کے بیٹے شہنواز انصاری کوگرفتار کیا گیا ۔
ایس پی نے بتایا کہ دونوں ملزموں نے فیس بک پر جعلی اکاؤنٹ بنایا تھا اور اپنا موبائل نمبر پوشیدہ رکھا تھا۔ لیکن پولیس کی تفتیش کی بنیاد پر دونوں ملزموں کو گرفتار کرلیا گیا۔ دونوں ملزموں کے خلاف ایف آٸ آر درج کراکر جیل بھیجا جارہا ہے۔ ایس پی نے بتایا کہ ملزم دھرمیندر کمار اس سے پہلے بھی دہلی کی جیل میں ہوا کھا چکا ہے۔
