کشن گنج: کشمیر کے تعلق سے بہار سے ایک متنازعہ معاملہ سامنے آیا ہے۔ بہار کے ضلع کشن گنج کے ایک اسکول میں ساتویں جماعت کے امتحانی پرچے میں کشمیر کو الگ ملک بتایا گیا ہے۔ اس معاملے پر تنازع بڑھ گیا ہے۔ اسکول کے ہیڈ ٹیچر ایس کے داس نے بتایا کہ یہ غلطی نادانستہ طور پر ہوئی ہے۔ انہوں نے کہا کہ انہیں اس بات کا پتہ بہار ایجوکیشن بورڈ کے ذریعے ہوا۔ امتحانی پرچے میں پوچھا گیا کہ کشمیر ملک کے لوگوں کو کیا کہا جاتا ہے؟ what are people from Kashmir called
یہ بھی پڑھیں: ٹویٹر نے جموں و کشمیر، لداخ کو الگ ملک کے طور پیش کیا
دراصل بہار ایجوکیشن کونسل کی طرف سے کرائے گئے کلاس ہفتم کے ششماہی امتحان میں سوال پوچھا گیا کہ درج ذیل ممالک کے لوگوں کو کیا کہا جاتا ہے؟ نیچے دیے گئے آپشنز میں چین، نیپال، انگلینڈ اور انڈیا کے ساتھ کشمیر کا آپشن بھی دیا گیا تھا۔
