ریاست بہار کے کیمور ضلع مجسٹریٹ نے سرکاری ملازمین کو ہر حال میں اپنا موبائل فون بند نہ کرنے کا انتباہ دیتے ہوئے کہا کہ کورونا وائرس کی وجہ سے ملک بھر میں خوف کا ماحول ہے۔
ضلع مجسٹریٹ نول کشور چودھری نے کورونا سے متعلق ٹاسک فورس کمیٹی کے ایک اجلاس میں صورتحال کا جائزہ لیا جبکہ اجلاس میں ضلع کے اعلیٰ عہدیدار موجود تھے۔
اجلاس میں مزدوروں کی ریاست میں آمد سے متعلق غور و خوص کیا گیا۔ ڈی ایم نے بتایا کہ تمام سرحدوں کو بند کردیا گیا ہے اور مزدوروں کو آئسولیشن کیمپ منتقل کیا گیا جبکہ انہیں وہاں مختلف سہولیات دی جارہی ہے۔
اجلاس کے دوران ڈی ایم کو بعض سرکاری ملازمین کی جانب سے فون بند کرلینے کی شکایت موصول ہونے کے بعد انہوں نے تمام ملازمین کو فون ہر حال میں کھلے رکھنے کی سخت ہدایت دی۔
