بھبھوا نگر پریشد چیئرمین کے انتخابات میں جانی آریا نے کامیابی حاصل کی

تقریباً دو ماہ قبل بھبھوا نگر پریشد چیئرمین کی کورونا وبا کے سبب موت سے خالی ہوئے عہدہ کے لیے آج کیمور ضلع ہیڈ کوارٹر میں بھاری پولیس انتظامات کے درماین انتخاب عمل میں آیا۔ اس عہدہ کے لیے بھبھوا ایس ڈی او کو انتخابی افسر منتخب کیا گیا، جن کی نگرانی میں یہ انتخاب عمل میں آیا۔

ریاست بہار کے ضلع کیمور کے بھبھوا نگر پریشد چیئرمین کی خالی جگہ کو پر کرنے کے لیے آج ضلع ہیڈ کوارٹر میں واقع کلکٹریٹ بلڈنگ میں انتخابی رائے دہی عمل میں آئی، جس میں جانی آریا نے اپنے حریف پر 10۔14 کے مقابلہ میں سبقت حاصل کی۔ جانی آریا کو 14 ووٹ ملے، وہیں ان کے حریف کو 10 ووٹ ہی حاصل ہو سکے۔ اس کے ساتھ ہی وہ دوسری بار بھبھوا نگر پریشد کے چیئرمین منتخب ہونے میں کامیاب رہے۔

بتادیں کہ تقریباً دو ماہ قبل وبائی امراض کورونا کے سبب بھبھوا نگر پریشد کی چیئرمین رہی ارمیلا دیوی کی موت ہوگئی تھی۔ تبھی سے یہ سیٹ خالی پڑی تھی، الیکشن کمیشن کی ہدایت پر کیمور ضلع انتظامیہ نے انتخاب کے لیے آج کا وقت متعین کیا تھا۔ بھبھوا نگر پریشد میں 25 وارڈ پارشد ہیں لیکن چیئرمین عہدہ کے انتخاب کے لیے 25 میں 24 ہی ممبران نے حصہ لیا۔ ارمیلا دیوی کی موت کے بعد وارڈ پریشد کی سیٹ خالی پڑی رہی۔

Bhabha Nagar Parishad Chairman

ریاستی الیکشن کمیشن نے اس انتخاب کے لئے ایک آرڈر جاری کیا تھا، جس کے بعد کیمور ضلعی انتظامیہ نے آج انتخابات منعقد کروائے جس میں 24 وارڈ کونسلرز نے اپنے ووٹ کا استعمال کیا۔ چیئرمین کے عہدے کے لئے دو امیدواروں نے دعویٰ پیش کیا۔ جس میں جانی آریا نے 14 ووٹ حاصل کرکے کامیابی حاصل کی۔اسی دوران بھبھوا ایس ڈی ایم جنم جے شکلا نے انہیں فتح کا سرٹیفکیٹ دیا۔ نگر پریشد کا چیئرمین منتخب ہونے کے بعد میڈیا کو خطاب کرتے ہوئے جانی آریا نے کہا کہ سب سے پہلے اس جیت کے حقدار شہر کے عوام ہے، جس نے وارڈ پارشد کو کامیاب کیا اور ان کی وجہ سے میں آج چیئرمین بنا۔

انہوں نے کہا کہ ان کی پہلی ترجیح شہر کی ترقی اور رہائشیوں کی مشکلات کو حل کرنا ہے۔