Two Arrested From Patna: آر ایس ایس کا پی ایف آئی سے موازنہ نہیں کیا جا سکتا، جیتن رام مانجھی

ضلع گیا میں سابق وزیر اعلیٰ جیتن رام مانجھی نے پٹنہ کے ایس ایس پی کے بیان پر ردعمل ظاہر کرتے ہوئے کہا کہ 'ان کا موقف ہے کہ آر ایس ایس کو پی ایف آئی سے موازنہ نہیں کیا جا سکتا ہے لیکن یہ ضرور ہے کہ آر ایس ایس ریڈیکلائزیشن کا کام کرتا ہے اور ان میں بھی مجرمانہ علامات ہیں تاہم وہ ملک مخالف سرگرمیوں میں ملوث نہیں ہیں اس لیے پی ایف آئی سے موازنہ درست نہیں۔' Jitan Ram Manjhi reaction to Patna SSP statement

ریاست بہار کے پٹنہ ایس ایس پی کے پی ایف آئی اور آر ایس ایس والے بیان پر سیاست تیز ہو گئی ہے بی جے پی نے جہاں ایس ایس پی کو برخاست کرنے کے مطالبہ کیا ہے وہیں ہندوستانی عوام مورچہ کے سرپرست و سابق وزیر اعلیٰ جیتن رام مانجھی نے کہا ہے کہ 'دلت ہونے کے سبب صرف ایس ایس پی ڈھلوں کو پریشان کیا جا رہا ہے اگر یہی بات کسی بڑی ذاتی کا شخص کرتا تو اتنا بوال نہیں ہوتا۔' Jitan Ram Manjhi on RSS

مانجھی نے کہا کہ 'میری نظر میں آر ایس ایس فرقہ پرست ہے اور اس کے لوگ بھی معاشرے میں فرقہ پرستی کی حمایت کرتے ہیں تاہم ابھی ان پر ملک مخالف سرگرمیوں میں ملوث ہونے کی بات نہیں سامنے آئی ہے لہذا ان کو پی ایف آئی سے جوڑا نہیں جاسکتا ہے جبکہ پی ایف آئی کے تعلق سے ملک کی جانچ ایجنسیوں نے اسکی تصدیق کی ہے کہ پی ایف آئی ملک مخالف سرگرمیوں میں ملوث ہے اور اسکا تعلق عسکریت پسند تنظیموں سے ہے۔' Jitan Ram Manjhi visit Gaya

بہار میں جانچ ہو رہی ہے پولیس کو اپنا کام کرنے دیا جائے اس پر سیاست نہیں ہو تو بہتر ہے۔ ہوسکتا ہے کہ ایس ایس پی منو سنگھ ڈھلوں کی پریس کانفرنس سے خطاب کرتے ہوئے زبان پھسل گئی ہو ان کا مقصد موازنے کا نہیں تھا مانجھی نے کہا کہ انکی پارٹی نہ تو آر ایس ایس کے نظریہ سے متاثر ہے یا انکی آئیڈیالوجی پر کام کرتی ہے اور نہ ہی انکی پارٹی پی ایف آئی Popular Front of India کی حمایت میں ہے غلط جہاں ہوگا اس پر انصاف کے لیے آواز اٹھانی چاہیے۔'

انکے ترجمان دانش رضوان نے جو بیان دیا ہے کہ ڈھلوں کو شیڈول کاسٹ ہونے کی وجہ سے نشانہ بنایا گیا ہے اس بات میں حقیقت ہے پولیس کو منصفانہ کام کرنے سے روکا نہیں جاسکتا۔ حالانکہ مانجھی نے اس دوران دوسرے رہنماؤں کے بیان پر ردعمل ظاہر کرنے سے منع کر دیا اور کہا پپو یادو ہوں یا کوئی اور سب کا نظریہ اپنا ہے کون کس طرح معاملے کو سمجھتا ہے اور کس طرح کے بیانات دیتا ہے اس سے انہیں کوئی فرق نہیں پڑتا ہاں یہ کہ بے باکی سے اپنی بات رکھنی چاہیے۔'

واضح رہے کہ پٹنہ میں پی ایف آئی کے رکن اور مبینہ دہشت گردی کا الزام کاسامنا کرنے والوں کی گرفتاری ہوئی ہے انکی گرفتاری کے بعد نامہ نگاروں کو جانکاری دیتے ہوئے پٹنہ ایس ایس پی نے پی ایف آئی کے کام کو آر ایس ایس سے موازنہ کر دیا تھا جس کے بعد بہار کی سیاست میں ابال آگیا ہے۔' two people arrested in patna for alleged anti national activity