آبادی کنٹرول پر بہار میں حزب اقتدار جنتادل یونائٹیڈ ( جے ڈی یو ) بھارتیہ جنتا پارٹی ( بی جے پی ) کی مختلف رائے کے درمیان قومی جمہوری اتحاد ( این ڈی اے ) کی حلیف ہندستانی عوام مورچہ ( ہم ) نے بی جے پی سے الگ رخ اپنا کر وزیراعلیٰ نتیش کمار کی پالیسیوں کی حمایت کی ہے۔
ہندوستانی عوام مورچہ ( ہم ) کے قومی صدر اور سابق وزیراعلیٰ جیتن رام مانجھی نے بدھ کو ٹوئٹ کر کے کہاکہ ” وزیراعلیٰ نتیش کمار کے بیان اور تدابیر کا خیر مقدم کرتے ہیں۔ بہار میں بچیوں کی تعلیم کا اثر ہے کہ ملک کے فرٹیلیٹی شرح کے مقابلے بہار کا فرٹیلیٹی شرح کم ہے۔ اس لئے آبادی کنٹرول کیلئے نئی ریاستوں کو بھی نتیش کمار کے ماڈل کو اپنانے کی ضرورت ہے۔
