جے ڈی یو کے سابق قومی صدر اور مرکزی وزیر آر سی پی سنگھ کے وزیر عہدہ کی ذمہ داری سنبھالنے کے بعد پہلی بار 16 اگست کو پٹنہ آنے پر ان کے خیر مقدم میں پارٹی کے ریاستی جنرل سکریٹری اور سابق رکن اسمبلی ابھے کشواہا کی طرف سے دارالحکومت پٹنہ میں کئی اہم مقامات پر نئے پوسٹر لگائے گئے ہیں۔
ان پوسٹروں میں پارٹی کے نو تقرر قومی صدر اور مونگیر سے رکن پارلیمنٹ راجیو رنجن سنگھ عرف للن سنگھ کی تصویر تو لگائی گئی ہے لیکن پارٹی پارلیمانی بورڈ کے صدر اپندر کشواہا ان پوسٹروں میں ابھی بھی کہیں نظر نہیں آرہے ہیں۔
یہ بھی پڑھیں: کانگریسی رہنما کی برتھ ڈے پارٹی میں بی جے پی کا جشن
ریاستی جنرل سکریٹری کشواہا نے دو دن قبل پارٹی کے ریاستی ہیڈکوارٹر کے دروازے کے ساتھ ہی شہر کے دیگر علاقوں میں مرکزی وزیر سنگھ کے خیر مقدم کے لیے جو پوسٹر لگوایا تھا اس میں پارٹی کے قومی صدر للن سنگھ اور پارلیمانی بورڈ کے صدر اپندر کشواہا دونوں کی تصویر کو جگہ نہیں دی تھی۔
اس معاملے کے طول پکڑنے پر جے ڈی دفتر کے مین گیٹ پر لگے پوسٹروں کو ہٹا دیا گیا تھا۔
(یو این آئی)
