علاوہ ازیں وہ ضلع کے مختلف پروگراموں میں حصہ لیں گی اور پھر پٹنہ کے لئے روانہ ہو جائیں گی۔
بیما بھارتی دیر شب ارریہ کے سرکٹ ہاؤس پہنچیں جہاں ان سے ملنے درجنوں کارکنان پہنچے۔
اس موقع پر ای ٹی وی بھارت سے خصوصی بات چیت کرتے ہوئے بیما بھارتی نے کہا کہ 'نتیش حکومت اپنے کاموں پر یقین رکھتی ہے، یہ بات صحیح ہے کہ پٹنہ کے حالات صحیح نہیں تھے، قدرتی طور پر جتنی بارش ہوئی ہے وہ امید سے کہیں زیادہ تھی اور ایسی بارش دس سال کے بعد دیکھنے کو ملی۔
انہوں نے کہا کہ 'لوگوں کی پریشانی کا اندازہ ہے ہمیں، اسی لئے وزیراعلیٰ خود سے پانی میں اتر کر لوگوں کی خبر گیری کر رہے تھے اور جہاں تک ممکن ہو رہا ہے انہیں مدد پہنچائی جا رہی ہے۔'
انہوں نے مزید کہا کہ 'پٹنہ کے تمام اعلیٰ افسران اس کام میں مستعدی سے لگے ہوئے ہیں اور پوری ایمانداری سے اپنے کام کو انجام دے رہے ہیں۔'
بیما بھارتی نے مرکزی وزیر و بی جے پی کے فائر برانڈ لیڈر گری راج سنگھ کے اس بیان پر جس میں انہوں نے کہا کہ "تالی اگر سردار کو ملتی ہے تو گالی بھی سردار کو ملے گی" پر برہمی کا اظہار کرتے ہوئے کہا کہ' کچھ لوگوں کا کام صرف بولنا ہوتا ہے، انہیں ترقیاتی کاموں سے کوئی مطلب نہیں ہوتا، وہ صرف نکتہ چینی کرنا جانتے ہیں، مگر وزیراعلیٰ نتیش کمار کام کرنے میں یقین رکھتے ہیں، وہ کسی کو جواب دئے بغیر اپنا کام کرنے کے عادی ہیں جسے عوام بخوبی محسوس کرتی ہے۔'
ریاستی وزیر نے کہا کہ 'میں خود پٹنہ سے آ رہی ہوں وہاں حالات اب معمول پر ہیں، ضلع انتظامیہ سے لے کر مختلف محکمہ اپنے کام کو بخوبی انجام دے رہا ہے۔'
