جے ڈی یو ترجمان راجیو رنجن پرساد نے کہا کہ وزیراعلیٰ نتیش کمار ترقی اور شفافیت کے حمایتی اور جرائم اور کرپشن کے مخالف ہیں۔ انہوں نے کہا کہ جب کمار نے بہارکی کمان سنبھالی تو سب سے پہلے 15 سال کے دوران جڑجمائے جرائم کو ختم کر کے قانون کا راج قائم کیا۔ بڑی تعداد میں مجرمین سلاخوں کے پیچھے ڈالے گئے۔
پرساد نے کہاکہ اسی طرح بدعنوانی پر زیر وٹالیرنس کی پالیسی کے تحت بڑی تعداد میں بدعندان افسران اور ملازمین کو نہ صرف سزا دی گئی بلکہ غلط طریقے سے کمائی گئی ان کی اچھی خاصی املاک کو ضبط کر کے حکومت اور عوام کے استعمال میں لایا گیا۔ انہوں نے دعویٰ کیاکہ بدعنوانی یاکسی بھی جرائم میں ملوث کوئی بھی شخص چاہے کتنابھی بڑا کیوں نہ ہو نتیش حکومت میں بچ نہیں سکتا۔
جے ڈی یو ترجمان نے کہا کہ جرائم اور بدعنوانی پر اپنی زیر وٹالیرنس پالیسی سے وزیراعلیٰ مسٹر نتیش کمار نے نہ صرف سخت حکمراں کا رتبہ دکھلایا بلکہ بہار میں ترقی، خوشحالی اور وسیع اصلاحات کے مثبت ماحول کو بھی فروغ دیا ہے۔ انہوں نے کہاکہ مکمل شراب بندی کی کامیابی اور پرکاش اتسو اور کال چکر جیسے کامیاب انعقاد کسی مجرمانہ اور بدعنوان ریاست میں ممکن نہیں۔
