ایک ارریہ اسمبلی حلقہ، جبکہ دوسرا رانی گنج، وہیں بھاجپا کے حصے میں چار سیٹ نرپت گنج، فاربس گنج، جوکی ہاٹ اور سکٹی آئی ہے، جدیو نے ایک بار پھر رانی گنج اسمبلی حلقہ سے سیٹنگ رکن اسمبلی اچمت رشی دیو پر بھروسہ جتایا ہے اور دوبارہ میدان میں اتارا ہے، جبکہ ارریہ سیٹ سے اس مرتبہ پہلی بار جدیو رہنما و سابق ضلع پریشد کے چیئرمین شگفتہ عظیم کو انتخابی میدان میں اتارا ہے۔
مزید پڑھیں: نتیش کمار سے بڑا 'ووٹ کٹوا' کوئی نہیں: پپو یادو
شگفتہ عظیم سیاسی گھرانے سے تعلق رکھتی ہیں اور طویل وقت سے کسی نہ کسی شکل میں سیاسی میدان میں رہی ہیں، شگفتہ عظیم ارریہ کی بہو ہیں، ان کے سسر مرحوم عظیم الدین لالو کابینہ میں وزیر رہ چکے ہیں، شگفتہ عظیم گزشتہ دو بار ضلع پریشد کے چیئرمین کے عہدے پر بھی رہ چکی ہیں۔
موجودہ وقت میں ان کے شوہر آفتاب عظیم عرف پپو عظیم ضلع پریشد کے چیئرمین اور سرگرم رہنما کے طور پر جانے جاتے ہیں، جے ڈی یو میں فعال اور متحرک رہنما ہونے اور مضبوط گرفت کی وجہ سے پارٹی نے ان پر بھروسہ جتایا ہے۔
شگفتہ عظیم فی الحال پٹنہ میں ہیں، انہوں نے فون سے رابطہ کرنے پر کہا کہ نتیش کمار نے گزشتہ پندرہ برسوں میں جو ترقیاتی کام کیے ہیں اسی کو لے کر وہ عوام کے درمیان جائیں گی، یہ ٹکٹ مجھے نہیں بلکہ ارریہ کی عوام کو ملا ہے اور مجھے پوری امید ہے کہ ارریہ کی عوام مجھے اپنی دعاؤں سے نوازے گی۔
