بھارتی ریاست بہار کے ضلع گیا کے جے ڈی یو مہادلت سیل کے صدر کے طورپر جتیندر کمار کومنتخب کیاگیاہے۔ جتیندرکماراس سے قبل مہادلت سیل جے ڈی یو کے صوبائی نائب صدر کے عہدے پر فائض تھے۔
گیا جے ڈی یو دفتر میں اتوار کو پارٹی کی میٹنگ ضلع صدر الیکزنڈر خان کی صدارت میں منعقد ہوئی۔ جس میں کئی امور پرتبادلہ خیال ہونے کے ساتھ ساتھ جتیندر کمار کو مہادلت سیل کا ضلع صدر بھی منتخب کیا گیا ہے۔
اتوار کو ہوئی میٹنگ میں پارٹی کومضبوطی فراہم کرنے پر بھی غور و خوض ہوا۔پارٹی لیڈروں نے کارکنان کو اسمبلی انتخابات کی کے لئے تیار رہنے کا مشہورہ دیا۔
سیل کے نو منتخب صدر جتیندر کمار نے کہا کہ جس امید کے ساتھ انہیں یہ ذمہ داری سونپی گئی ہے وہ اسے ہرحال میں پورا کریں گے۔ انہوں نے دلت سماج کی ترقی ومناسب سیاسی حصہ داری کے معاملے پر وزیراعلی نتیش کمار کی قیادت پر اعتماد کااظہار کیا۔
انہوں نے کہا نتیش کمار کی سربراہی والی حکومت پسماندہ طبقے کو بااختیار بنانے کی وعدہ بند ہے۔انہوں نے کہا جیتن رام مانجھی کو وزیراعلی اور ادئے نارائن چودھری کو اسمبلی کااسپیکر بنا کر وزیراعلی نتیش کمار نے ثابت کیا ہے کہ وہ پسماندہ طبقات کے ساتھ نہ صرف کھڑے ہیں بلکہ انکی ترقی کے خواہاں بھی ہیں۔
ضلع صدر الیکزنڈر خان نے کہا کہ پارٹی کے سیل کی کمیٹیاں اہم ذمہ داریاں نبھاتی ہیں۔ اگر ٹیم اچھی ہوتو کام اچھاہوتاہے۔ انہوں نے امید ظاہر کی کہ نئے منتخب کئے گئے دلت سیل کے سربراہ اپنی ذمہ داریاں بخوبی انجام دینگے۔
