ریاستی ریل تھانے کے ذرائع سے موصولہ اطلاعات کے مطابق ضلع مدھوبنی کے بِسفی تھانہ حلقے کے گاؤں نرسام کے باشندے پربھو لال پاسوان کا بیٹا منٹو پاسوان ٹرین نمبر 09165 کے ایس 2 کوچ میں سفر کر رہا تھا۔جیسے ہی ٹرین چھپرہ جنکشن سے آگے بڑھی۔ اسی دوران ضلع پٹنہ کے شاستری نگر تھانہ حلقے کے محلہ شیوپوری کے باشندے رامیشور رائے کا بیٹا ہیرالال کمار متذکرہ مسافر کا موبائل فون جھپٹ کر ٹرین سے کود گیا۔
ذرائع نے بتایا کہ مسافر منٹو پاسوان بھی چلاتے ہوئے ٹرین سے کود کر بدمعاش کو پکڑنے کے لیے دوڑ پڑا۔ اس کے بعد ریاستی ریل تھانہ اور ریلوے سکیورٹی فورسز کے جوانوں نے بدمعاش کو پکڑ لیا۔ اس سے موبائل برآمد کرنے کے بعد اسے جیل بھیج دیا گیا ہے۔
