گیا: یوم بہار پولیس کے موقع پر محکمہ کی جانب سے بائیک ریلی کا اہتمام کیا گیا جس کے تحت ضلع کے ہرگاوں اور وارڈ تک پہنچا جائے گا اور وہاں عام لوگوں سے ملاقات کی جائے گی۔ وہیں دیگر امور پر بھی بات کی جائے گی۔ عام لوگوں کے مشورے مسائل اور پریشانیوں کو پٹنہ ہیڈکوارٹر تک پہنچایا جائے گا۔ ایس ایس پی آشیش کمار بھارتی نے آج پولیس لائن میں بتایا کہ عوام سے گفتگو کے دوران وہ مسائل کو جانیں گے جوکہ پولیس سے متعلق ہوں گے۔پولیس کی ٹیم مسائل کو قلم بند کرکے اپنے اعلی افسران کو دیں گے۔اس کے بعد اعلی افسران اس کے مطالعہ کے بعد اس کو حل کریں گے۔
انہوں نے کہا کہ آج اسی کے تعلق سے پولیس لائن سے ریلی شروع کی گئی ہے۔بائیک ریلی میں سو سے زائد پولیس اہلکار اور افسران شامل ہیں جو گاوں اور وارڈوں میں جائیں گے اور وہاں کے لوگوں سے بات کریں گے۔ اس موقع پر آئی جی چھتر نیل سنگھ نے کہاکہ عوامی بات چیت کا مقصد بنیادی طور پر لوگوں سے رابطہ قائم کرنا۔ان کے مسائل کو حل کرنا ہے۔ایسا نہیں ہے کہ صرف وارڈ کونسلر یا مکھیا سے رابطہ کرکے اس مہم کو مکمل کیا جائے گا بلکہ اس مہم عام لوگوں سے باتیں کرنی ہے۔ انہوں نے اس موقع پر افسران کو حکم دیا کہ وہ عام لوگوں سے ملیں اور ان سے مختلف موضوعات پر بات کریں تب ہی عوامی ملاقات کا مقصد کامیاب ہوگا۔
یہ بھی پڑھیں:Astana Hazrat Pir Mansoor حضرت پیر منصور کا آستانہ گنگا جمنی تہذیب کی علامت
عوام سے براہ راست ملنے کی ضرورت:
آئی جی نے کہاکہ عوام سے پولیس کا براہ راست ملنا وقت اور حالات کی ضرورت ہے جسے پولیس محکمہ پوار کرنے کی کوششوں میں مصروف ہے پولیس امن وامان کے لئے اس رابطے کو ضروری تسلیم کرتی ہے۔ اس ایک ہفتے کے دوران دوسرے پروگرام بھی ہوں گے۔
