چھٹ کے موقع پر ہندو مسلم ایکتا کی مثال

ریاست بہار کے کیمور ضلع میں چھٹ پوجا کے موقع پر متعدد مقامات پر ہندو مسلم ایکتا کی بہترین مثال دیکھنے کو ملی۔

کیمور ضلع میں چین پور کے ہاٹا اور درگاؤتی کے ساؤتھ اور بھگوان پور میں چھٹ پوجا کی پوری کمان مسلم طبقہ کے لوگوں نے سنبھال رکھی تھی۔ یہاں تک کے چھٹ کے دن گھاٹوں سے آمد و رفت کے دوران کسی کو کوئی تکلیف نہ ہو، اس کے لیے خود راستوں کی صاف صفائی سے لے گھاٹوں کی صفائی مسلمانوں نے کرکے قومی یہکجہتی کی بہترین مثال پیش کی۔

چین پور کے ہاٹا سے موصولہ اطلاع کے مطابق نظام الدین انصاری اور یاصر خان کی قیادت میں سینکڑوں مسلم نوجوانوں نے چھٹ پوجا کے دوران شانہ بشانہ کھڑے رہے ۔

بہار میں چھٹھ کا تہوار

وہیں بھگوان پور میں مکھیا گببر میاں اور ساوٹھ کے مکھیا مقصود علی کی ہر طرف ان کی بہتر کاوش کی چرچا ہے۔ مکھیا مقصود علی کی اس موقع پر ساوٹھ پنچایتوں کے سبھی تالابوں کی صاف صفائی نظم کے علاوہ پھل بھی تقسیم کیا گیا۔

بہار میں چھٹھ کا تہوار

مکھیا مقصود علی نے بتایا کی ہندو۔ مسلم ایکتا کا اٹوٹ بندھن والا ہمارا ملک ہے۔ شرپسند عناصر امن امان میں خلل ڈالیں لیکن ہم انکے ہر برے ارادے کو ایسے ہی ہر تہوار کے موقع پر دونوں طبقہ کے لوگ شریک ہو کر ناکامیاب بناتے رہیں گے۔

بہار میں چھٹھ کا تہوار