گیا: بہار کے ضلع گیا میں طلبا تنظیموں کی جانب سے بہار بند کے اعلان Bihar Bandh announced by student organizations کے بعد آج شہر کے متعدد مقامات پر پولیس فورس کی بڑی تعداد میں تعیناتی رہی۔ ایس ایس پی سمیت سبھی پولیس کے اعلیٰ افسران شہر میں مستعدی سے تعینات رہے۔
اس سلسلے میں ایس پی آدتیہ کمار نے ای ٹی وی بھارت سے بات کرتے ہوئے کہا کہ 'پولیس نے آج کی بندی کو چیلنج کے طور پر لیا ہے جس کی وجہ سے شہر کے متعدد مقامات پر مجسٹریٹ اور پولیس فورس کی تعیناتی کی گئی ہے۔
انہوں نے بتایا کہ احتجاجیوں سے بات بھی کی گئی ہے اور ان سے کہا گیا کہ وہ پرامن طریقے سے احتجاج کریں۔ آدتیہ کمار نے کہا کہ گزشتہ روز طلباء کے جھنڈ میں کچھ شرارتی لوگ بھی شامل تھے جس نے ماحول خراب کرنے کوشش کی تھی۔ آج اگر شہر کی ماحول کو خراب کرنے کی کوشش کی جاتی ہے تو پولیس مناسب کاروائی کرے گی۔
ایس ایس پی آدتیہ کمار نے 26 جنوری کے واقعہ پر کہا کہ اس دن دو ٹرینوں کی چھ بوگیوں میں آتش زنی کے ساتھ پٹریوں اور ریلوے کی دوسری املاک کو نقصان پہنچایا گیا، اس معاملے میں ایک جی آر پی تھانہ اور ڈلہا تھانہ میں تقریبا 100 سے زائد افراد کے خلاف مقدمہ درج کیا گیا ہے اور ان تمام افراد کی گرفتاری کے لیے چھاپے ماری کی جارہی ہے۔
مزید پڑھیں:
واضح رہے ریلوے بھرتی امتحانات Protest against railway jobs in Bihar کے ریزرلٹ میں دھاندلی کا الزام عائد کرتے ہوئے طلبہ نے گزشتہ 26 جنوری بہار کے کئی شہروں میں جم کر ہنگامہ کیا تھا، اس دوران طلبا نے ٹرین کی 6 بوگیوں کو نذر آتش کرنے کے ساتھ ریلوے کے کروڈوں کی املاک کو بھی نقصان پہنچایا تھا۔
