نکسلی پرمود کو روہتاس تھانہ علاقہ کے ریحل کے جنگل کی وادی پہاڈیا سے گرفتار کیا گیا ہے۔ گرفتار نکسلی ضلع روہتاس کے نوہٹا تھانہ علاقہ کے چونہٹا گاؤں کا رہائشی ہے۔ پولیس نے پوچھ گچھ کے بعد اسے عدالتی تحویل میں بھیجنے کے لیے کاغذی کارروائی مکمل کر رہی ہے۔
اس بابت ایس پی دلنواز احمد نے بتایا کہ کیمور پولیس نے اسمبلی انتخابات کے مدنظر لگاتار چھاپے مار مہم کے ایک حصے کے طور پر یہ کارروائی کی ہے۔
اس خطرناک نکسلی کو ایس پی اے ایس پی نتن کمار اور ادھورا تھانے کے سب انسپکٹر آمود کمار کی سربراہی میں سی آر پی ایف کی ٹیم نے گرفتار کیا ہے۔
ایس پی نے بتایا کہ 6 اکتوبر 2008 کو سی پی آئی ماؤنوازوں نے ضلع کیمور کے ادھورا تھانہ علاقے میں اتھن موڑ کے قریب زمین پر ڈیٹونیٹر لگا کر بارودی سرنگ اڑانے کی کوشش کی تھی۔
انہوں نے بتایا کہ تھانہ ادھورا میں 19 نکسلیوں کے خلاف پولیس وین کو اڑانے کے لیے ایف آئی آر درج کی گئی تھی ، اس میں ایف آئی آر کے ملزم پرومود اوراٶں بھی شامل تھا ، جو روہتاس ضلع کا رہنے والا ہے۔ وہ قریب 12 سال سے اس واقعے کے بعد سے مفرور تھا۔
کیمور ایس پی دلنواز احمد اور روہتاس ایس پی ستیہویر سنگھ کی ہدایت پر، ادھورا کی سی آر پی ایف کی جی 47 بٹالین کے کمپنی جوائنٹ کمانڈر ، روی رنجن اور تیوورا کالا کی 47 سی بٹالین کے کمپنی کمانڈر ایس سی جھا نے جنگل اور پہاڑی علاقے میں مشترکہ کامبنگ آپریشن جاری کررکھا۔ اس دوران بہت سے بم برآمد ہوئے اور نکسلیوں کو بھی مسلسل گرفتار کیا جارہا ہے۔
