مہاگٹھ بندھن نے کشن گنج کے چاروں اسمبلی حلقوں میں اپنے امیدوار اتارے ہیں یہ اور بات ہے کہ کشن ضلع کی چار سیٹوں میں کانگریس نے 2 اور آرجے ڈی 2 سیٹ پر اپنے امیدوار اتارے ہیں۔
کانگریس پارٹی نے کشن گنج اسمبلی حلقہ سے اظہار الحسین اور بہادر گنج اسمبلی حلقہ سے توصیف عالم کو اپنا امیدوار بنایا ہے جبکہ ٹھاکر گنج اسمبلی حلقہ سے آرجے ڈی نے کشن گنج کے سابق رکن پارلیمنٹ مرحوم مولانا اسرارالحق قاسمی کے بیٹے مولانا سعود اسرار ندوی کو امیدوار بنایا ہے وہیں کوچادھامن اسمبلی حلقہ سے آرجے ڈی نے سابق مکھیا محمد شاہد کو امیدوار بنایا ہے۔
اس طرح سے مہاگٹھ بندھن کے چاروں امیدواروں نے کشن گنج کے چاروں اسمبلی حلقہ سے اپنا نامزدگی پرچہ داخل کیا-
واضح رہے کہ اس بار تین مرحلے میں بہار اسمبلی انتخابات ہوں گے۔ پہلے مرحلے میں 71 سیٹوں پر 28 اکتوبر کو ووٹنگ ہوگی جبکہ دوسرے مرحلے میں 91 سیٹوں کے لیے 3 نومبر کو اور تیسرے مرحلے میں 78 سیٹوں کے لیے 7 نومبر کو ووٹنگ ہوگی اور 10 نومبر کو نتائج کا اعلان ہوگا۔
پرچہ نامزدگی داخل کرنے کے بعد مہاگٹھ بندھن کے سبھی امیدواروں نے صحافیوں سے بات کرتے ہوئے بہار میں مہاگٹھ بندھن کی حکومت بننے کا دعویٰ پیش کرتے ہوئے نتیش کمار زبانی حملہ کیا۔
سبھی امیدواروں نے مشترکہ طور پر کہا کہ بہار اور سیمانچل کی عوام سُشاشن بابو کی سرکار سے پریشان ہوگئی ہے جس سے بہار کی عوام کو نجات دلانے ہم سب کی ذمہ داری ہے۔
