پروگرام کے آغاز میں 'بال بھون کلکاری' کی کوآرڈینیٹر ابھیلاشا کماری نے بھارتی رسم کے مطابق لڑکیوں کے ماتھے پر ٹیکا لگا کر خیر مقدم کیا۔ ساتھ ہی تعلیم کے تئیں ان میں رغبت پیدا کرنے کے لیے قلم اور بیاض تقسیم کی گئی۔
اس پروگرام کی میں پیغام دیا گیا کہ سماج کے ہر شخص کو تعلیم حاصل کرنے کا حق حاصل ہے پھر چاہے وہ لڑکا ہو یا لڑکی۔
کوآرڈینیٹر ابھیلاشا کماری نے کہا کہ 'موجودہ دور میں لڑکیاں ہر شعبے میں آگے بڑھ رہی ہیں اس کے باجود ان کے تئیں سماج کا نظریہ پوری طرح سے اب بھی بدلا نہیں ہے لہذا کِلکاری ٹیم کی کوشش رہتی ہے کہ لڑکیاں مختلف شعبوں میں آگے بڑھنے کا ہنر پیدا کریں۔
اس دوران بچوں کے ذریعہ یوم جمہوریہ کے پروگرام میں پیش کرنے کے لیے تیار کردہ گیت بھی پیش کیا جس نے سبھی کا دل موہ لیا۔
اس موقع پر معاون پروگرام افسر گیتا کماری، معاون اسٹیٹسٹک افسر میناکشی کیسری بھی بچیوں کا حوصلہ بڑھانے کے لیے موجود نظر آئیں۔
