کیمور: لڑکی سے چھیڑ خانی کا معاملہ درج

ایف آئی آر میں دو خواتین کے زخمی ہونے کی بھی بات کہی گٸ ہے۔ زخمیوں کو علاج کے لیے صدر ہسپتال میں داخل کرایا گیا ہے۔

ریاست بہار کے ضلع کیمور کے بھبھوا تھانہ میں وارڈ نمبر ایک کی ساکن خاتون نے گھر میں داخل ہو کرخواتین کے ساتھ بدتمیزی، چھیڑ چھاڑ اور مارپیٹ کی ایف آئی درج کرائی ہے۔

ایف آئی آر میں دو خواتین کے زخمی ہونے کی بھی بات کہی گٸ ہے۔ زخمیوں کو علاج کے لئے صدر اسپتال میں داخل کرایا گیا ہے۔

اطلاع کے مطابق 'پولیس نے ملزم وارڈ نمبر 23 کے رہائشی نصراللہ راٸین کے لڑکے آزاد رائن کے خلاف ایف آئی آر درج کرلی ہے۔'

شکایت کنندہ نے لکھا ہے کہ' منگل کی صبح سات بجے میری بچی اپنی سائیکل سے سبزی لینے جارہی تھی۔ تبھی مذکورہ نوجوان نے اس کی سائیکل پکڑی اور اس سے بدتمیزی کرنے لگا۔ بچی نے گھر آ کر اپنی والدہ کو اس واقعے سے آگاہ کیا۔'

اسی دوران آزاد رائین نے گھر میں گھس کر لڑکی کا گلا گھونٹنے کی کوشش کی جب ماں اسے بچانے گئی تو اسے دھکا دے کر گرا دیا۔

وہیں جب موقع پر موجود لڑکی کی ممیری بہن نے اسے بچانے کی کوشش کی تو آزاد رائن نے اسے ڈنڈہ سے مار کر اس کا سر پھوڑ دیا۔

لڑکی کی والدہ کی درخواست پر ایف آئی آر درج کر بھبھوا پولیس نے کاروائی شروع کر دی ہے۔