ای ٹی وی بھارت کے ذریعہ بابائے قوم کی پسندیدہ بھکتی والے نغمے سے قوم کو بیدار کرنے کی جو نئی پہل کی گئی ہے اس سے کافی مدد ملے گی۔
گری راج سنگھ نے ای ٹی وی بھارت کو گاندھی جینتی کے موقعے پر گاندھی جی کے معروف بھجن کو ایک نئے انداز میں پیش کرنے پر مبارک باد بھی پیش کی اور رامو جی راؤ کا دل سے شکریہ بھی ادا کیا۔
انہوں نے کہا کہ "میں ای ٹی وی بھارت اور راموجی راؤ کا بہت شکریہ ادا کرتا ہوں جنہوں نے جنوبی بھارت میں ایک معاشرتی انقلاب برپا کیا۔ اب یہ ویڈیو پوری قوم کو بیدار کرنے میں مددگار ثابت ہوگی۔"
وزیر اعظم نریندر مودی نے بھی ٹوئٹ کر کے ای ٹی وی بھارت کو مبارک باد دی اور کہا کہ باپو کے بھجن کو شاندار طریقے سے پیش کیا گیا ہے۔ مہاتما گاندھی کے خواب کی مناسبت سے میڈیا نے صفائی مہم میں بہت تعاون کیا ہے۔ اب باری ملک کو پلاسٹک سے آزاد کرنے کی ہے۔
بتا دیں کہ ای ٹی وی بھارت نے بابائے قوم مہاتما گاندھی کی 150 ویں سالگرہ کے موقع پر انھیں خراج تحسین پیش کرنے کے لیے ان کے معروف بھجن کو ایک نئے انداز میں پیش کیا ہے۔ اس کا افتتاح رامو جی گروپ کے چیئرمین رامو جی راؤ نے کیا۔
ای ٹی وی بھارت نے پندرہویں صدی کے معروف گجراتی شاعر نرسینہ مہتا کے معروف بھجن سے ملک کو مربوط و متحد کرنے کا پیغام دیا ہے۔ 'ویشنو جن تو، تینے رے کہیۓ، جے پیڑ پرائے جانے رے، پر دکھے اپکار کرے توئے من ابھیمان نہ آنے رے۔'
یعنی خدا سے اصل عقیدت تو یہ ہے کہ دوسروں کے آلام و مصائب کو محسوس کرکے اس سے نجات دلائے، لیکن اس کے لیے نہ تو کبھی احسان جتائے اور نہ ہی تکبر کا اظہار کرے۔
مرکزی وزیر گری راج سنگھ نے راموجی گروپ کے چیئرمین راموجی راؤ کا ان کی کوششوں پر شکریہ ادا کیا ہے۔
