ریاست بہار کے وزیراعلیٰ نتیش کمار کی قیادت میں ہوئی کابینہ کی میٹنگ میں ریاستی حکومت نے ملازمین کو بڑا تحفہ دیا ہے۔
سنہ 2004 کے بعد ریاستی حکومت میں اپنی خدمت دینے والے ملازمین کو گریجویٹی فائدہ ملے گا، اس کے علاوہ این پی ایس کے زیر اثر آنے والے ملازمین کو بھی اس کا فائدہ ملے گا۔
واضح رہے کہ پچھلی نوکری چھوڑ کر حکومت بہار میں شامل ہونے والے بھی اس سے مستفید ہوں گے۔
خیال رہے کہ سنہ 2004 سے پہلے کسی دوسری جگہ نوکری کررہے ملازمین کو بھی اس سے فائدہ پہنچے گا۔
یاد رہے کہ ریاستی کابینہ کی میٹنگ میں 18 ایجنڈوں پر مہر لگائی گئی۔
کابینہ نے ضلع نوادہ میں پانی کی صفائی کے لیے 91.77 کروڑ روپے کی منظوری دی، جبکہ ضلع بھوجپور کے نیک نام ٹولہ میں پانی سپلائی کے لیے بھی منظوری دی گئی۔
چمکی بخارسے ہوئی ہلاکت کے بعد حکومت نے مظفر پور میں بچوں کے لیے 100 بیڈ کا آئی سی یو بنانے کے لیے 62 کروڑ روپے خرچ کیے جائیں گے، جس پر کابینہ نے اپنی مہرلگادی ہے۔
