گیا میونسپل کارپوریشن کے میئر گنیش پاسوان اور ڈپٹی میئر موہن شریواستو کےخلاف تحریک عدم اعتماد کی تجویز آج ناکام ہوگئی۔
ہفتے کو عدم اعتماد کی تجویز پر الیکشن کمیشن کی ہدایت پر ڈپٹی الیکشن افسر نوشاد عالم اور کمشنر ساون کمار کی زیر نگرانی ضابطے کی کارروائی انجام دی گئی۔
میئر اور ڈپٹی میئر پرلگائے گئے الزامات پر بحث ہونے کے ووٹنگ کی کاروائی کو انجام دیا گیا۔
کمشنر ساون کمار نے بتایا کہ سب سے پہلے مئیر گنیش پاسوان کے خلاف عدم اعتماد کی تجویز پر بحث اور ووٹنگ ہوئی۔ بحث میں میونسپل کارپوریشن کے 53 کارپوریٹرز میں سے 42 کارپوریٹر شریک ہوئے۔ اس طرح سے مئیر گنیش پاسوان اپنی کرسی بچانے میں کامیاب رہے۔
جبکہ ڈپٹی مئیر کے خلاف عدم اعتماد کی ووٹنگ میں 27 کارپوریٹر شامل ہوئے۔ عدم اعتماد کی تجویز لانے کی حمایت میں 10 ووٹ پڑے جبکہ اس تجویز کی مخالفت میں کل 14 ووٹ پڑے۔
ان کے خلاف عدم اعتماد کی تجویز منظور کرنے کے حق میں ہوئی ووٹنگ میں کل 20 کارپوریٹرز شامل ہوئے۔عدم اعتماد کی تجویز کے حق میں دوووٹ پڑے جبکہ عدم اعتماد کی تجویز کے خلاف سترہ ووٹ پڑے۔
کمشنر ساون کمار نے بتایاکہ دونوں قانونی اعتبار سے اپنی کرسی بچانے میں کامیاب رہے۔
جیت درج کرنے کے بعد مئیر گنیش پاسوان اور ڈپٹی مئیرموہن شریواستو نے سبھی کارپوریٹرز کاشکریہ ادا کیااور کہا کہ نام نہاد اپوزیشن اہم ایجنڈوں سے کارپوریشن کو بھٹکانے اور ترقیاتی کاموں میں مداخلت کی غرض سے عدم اعتماد کی تجویز لانے پر زور دے رہے تھے۔
میئر اور ڈپٹی میئر کے حامیوں نے کارپوریشن احاطہ میں جیت کا جشن منایا۔
