ضلع گیا میں آج سمادھان یاترا کے تحت گیا کے الرا گاؤں میں نیرا کی مصنوعات کو دیکھنے کے بعد وزیراعلی نتیش کمار میڈیا کے اہلکاروں سے بات چیت کی۔ اس دوران انکی پارٹی کے رہنما اوپیندر کوشواہا کی بے جے پی سے بڑھتی قربت کے متعلق ای ٹی وی بھارت کے نمائندہ کے سوال کے جواب میں وزیراعلی نے کہا کہ سنا ہے کہ ان کی صحت خراب ہے۔ وہ دہلی چلے گئے ہیں، علاج چل رہا ہے،کوئی بھی کہیں بھی کسی سے ملنے آ سکتا ہے، لیکن اگر ایسی کوئی بات ہے تو ہم ان سے پوچھیں گے۔
حالانکہ وزیراعلی نے اشاروں میں واضح کردیا کہ اس سے پہلے بھی وہ تین بار جا چکے ہیں۔اگر کوئی کہیں جاتا ہے تو اس کی مرضی ہے، لیکن پھر بھی ہم ان سے اس معاملہ پر دریافت کرینگے۔ اس کے ساتھ انہوں نے یہ بھی کہا کہ آپ لوگ یہ سوال چھوڑیے اوپیندر کشواہا سے ہی پوچھیں کہ وہ کہاں جانا چاہتے ہیں ۔
اہم بات یہ ہے کہ اوپیندر کشواہا دہلی جا چکے ہیں، اور وہ اپنا میڈیکل چیک اپ کروا رہے ہیں، پچھلے دنوں ہسپتال سے ان کی ایک تصویر آئی تھی جس میں بی جے پی کے کئی بڑے لیڈر ان سے ملنے گئے تھے۔ اس ملاقات کے دوران اوپیندر کشواہا بہت صحت مند اور خوش نظر آ رہے تھے۔ میڈیا کے درمیان یہ تصویر سامنے آتے ہی ریاست کی سیاست میں چہ میگوئیاں شروع ہوگئیں۔
وہیں وزیر اعلیٰ سے جب سوال کیا گیا کہ آپ نے گیا کو ربڑ ڈیم دیا ہے، گنگاجل، دوا کے طور پر لیمن گراس اور صحت کے طور پر نیرا دیا ہے، تو مگدھ یونیورسٹی میں بہتر تعلیمی نظام کب دیں گے ؟ اس سوال کے جواب میں نتیش کمار نے کہا کہ کہا کہ ہم اس معاملہ کو دیکھ رہے ہیں۔ کہ یہ کوئی مذاق نہیں ہے، آخر یونیورسٹی میں پڑھائی کیوں نہیں ہوئی؟ رزلٹ کیوں نہیں دیے گئے، امتحانات کیوں نہیں لیے گئے، یہ بہت بڑا مسئلہ ہے۔
انہوں نے کہا کہ آپ نہیں جانتے کہ ہم گیا سے کتنا پیار کرتے ہیں۔ ہم سب بہتری لائیں گے۔ مگدھ یونیورسٹی کے مسئلے کے بارے میں گورنر کو بتایا گیا ہے۔ ہمارے افسران بھی اس مسئلے کو حل کرنے میں مصروف ہیں۔ ہم اسے سنجیدگی سے دیکھیں گے۔ تعلیمی نظام کوئی مذاق نہیں ہے۔ ہم اس مسئلے کو اپنی سطح سے دیکھیں گے۔
مزید پڑھیں:Samadhan Yatra وزیراعلیٰ نتیش کمار نے سمادھان یاترا کے دوران ای ٹی وی بھارت کے سوالوں کا جواب دیا
