پولیس ذرائع نے یہاں بتایاکہ گوراڈیہہ تھانہ علاقہ کے سونوڈیہہ گاﺅں کے نزدیک ایک پوکھر میں مورتی ویسرجن کے دوران ڈوب جانے سے ایک ہی کنبہ کے تین بچوں کی موت ہوگئی ۔
مرنے والوں کی شناخت اودھیش کمار (13 سال) گلشن کمار (12 سال) اور دیوا کمار (11 سال ) کے طور پر کی گئی ہے جن میں اودھیش سونو ڈیہہ گاﺅں باشندہ رنجیت بند کا بیٹا ہے جبکہ دیوا اور گلشن بھتیجہ اور بھانجہ ہے ۔ واقعہ کی اطلاع ملتے ہی پولیس نے موقع پر پہنچ کر گاﺅں والوں کی مدد سے لاشوں کو برآمد کر لیاہے ۔
وہیں ضلع کے انتی چک تھانہ علاقہ کے بٹیشور استھان کے نزدیک آج گنگا میں نہانے کے دوران ڈوبنے سے ایک نوجوان کی موت ہوگئی ۔
متوفی کی شناخت وکاس کمار منڈل (20) سال کے طور پر ہوئی ہے اور وہ پیر پینتی علاقہ کے اٹھنیا ں موہن پور گاﺅں کا رہنے والاتھا۔
دہلی میں انجینئرنگ کی پڑھائی کر رہا وکا س چھٹ کے موقع پر اپنے گھر آیا ہوا تھا۔
واقعہ اطلاع ملتے ہی موقع پر پہنچی پولیس مقامی غوطہ خوروں کی مدد سے لاش کی تلاش کر رہی ہے
