بہار کے ضلع کیمور میں کدرا تھانہ علاقے کے چلبلی گاؤں میں دو روز قبل ایک لڑکی کی اجتماعی جنسی زیادتی کا معاملہ سامنے آیا تھا۔ اس معاملے میں کیمور پولیس نے کارروائی کرتے ہوئے چار ملزمان کو گرفتار کر لیا ہے۔ وہیں دیگر دو کی تلاش جاری ہے۔
بتایا جاتا ہے کہ کدرا تھانہ علاقہ کے چلبلی کی رہائشی اپنے عاشق کے بلانے پر دو روز قبل دیر رات ملنے کے لئے گھر سے دور کھیت میں چلی گئی تھی۔ لیکن گاٶں کے ہی کچھ بدمعاشوں نے دونوں کی ویڈیو بنالی اور بلیک میل کرنے کی کوشش کرنے لگے۔
اطلاعات کے مطابق ملزمان نے فون کرکے دیگر اور ساتھیوں کو موقع پر بلالیا اور اجتماعی جنسی زیادتی کی واردات کو انجام دیا۔
یہ بھی پڑھیں: میگھالیہ میں بس حادثہ میں چھ افراد ہلاک، 16 زخمی
وہیں اس واقعے کے بعد معشوقہ نے گھر پہنچ کر اس کی جانکاری اپنی ماں کو دی۔ متاثرہ کی ماں نے کدرا تھانہ پہنچ کر کل 6 لوگوں کے خلاف ایف آئی آر درج کرایا تھا، جس پر پولیس نے کارروائی کرتے ہوئے چار ملزمان کو گرفتار کرلیا ہے۔
